Lugo. 16, abril, 2019. O Partido Popular lucense remarcou nun acto sectorial de sanidade que contou coa participación do presidente da Sociedade Española de Reumatoloxía, Juan J. Gómez-Reino; e o conselleiro de Sanidade, Jesús Vázquez Almuíña; xunto aos candidatos do PP ao Congreso e ao Senado por Lugo “a mellora das infraestruturas sanitarias e do equipamento sanitario con novas dotacións tecnolóxicas durante o mandato do Partido Popular”.
Concretamente, os populares recordaron que “os lucenses vímonos beneficiados de novos servizos, que ata o mandato do presidente Feijóo non existían en Lugo como é o caso dos de Hemodinámica, Radioterapia e Medicina Nuclear no Hula; ademais da mellora de varios servizos no hospital público da Mariña (que tamén veu ampliadas as súas instalacións) e no centro hospitalario de Monforte, en ambos casos coas salas de onco-hematoloxía (quimioterapia) ou os equipos de hospitalización a domicilio, entre outros”.
Pero os compromisos do Goberno galego coa cidade de Lugo recóllense tamén nos orzamentos para este 2019 “ao achegar máis de 5 millóns para a construción do centro integral de saúde no barrio da Residencia”. Así mesmo, “o Goberno galego tamén mellorará o hospital de Monforte de Lemos e construirá un novo centro de saúde no Saviñao, por poñer algúns exemplos”.
Sanidade pública, prioridade para o Partido Popular
Os populares lucenses recordan que “a sanidade pública sempre foi unha prioridade para o Partido Popular. E así o demostra o Goberno galego que apostou por dedicar á nosa sanidade pública máis do 40% do orzamento da Xunta para este 2019 ata achegarse aos 4.000 millóns de euros, a cifra máis alta da historia na nosa comunidade autónoma”.
Así mesmo, dende a Comisión Provincial de Sanidade do Partido Popular sinalaron que “grazas ás políticas do Partido Popular, hoxe os galegos temos garantidos por lei prazos de espera máximos, temos dereito a elección de profesionais ou centros hospitalarios por un novo problema de saúde e tamén a vacinas gratuítas para os nenos. Igualmente, contamos con novos medios de prevención de determinados cancros e vías máis rápidas para a súa atención”.
Un modelo eficiente
O Partido Popular está comprometido a mellorar dende o Goberno do Estado un sistema sanitario universal, gratuíto e de máxima calidade, como sempre fixo. Concretamente, Pablo Casado aposta por un modelo eficiente que respecte aos profesionais médicos e que atenda ás persoas.
Gómez-Reino
Un destes profesionais médicos é o doutor e catedrático Juan J. Gómez-Reino que conta coa especialidade en Reumatoloxía e que preside a Sociedade Española de Reumatoloxía. O relator participante neste acto tamén é o xefe do comité directivo do rexistro español de Biolóxica BIOBADASER dende que foi creado no ano 2000. E no 2014 recibiu o XVIII Premio Novoa Santos atendendo á súa traxectoria académica, asistencial e organizativa.
Actualmente, o profesor Gómez-Reino está a traballar na Fundación Ramón Domínguez, no Hospital Clínico Universitario de Santiago onde se incorporou como xefe de servizo de Reumatoloxía no ano 1997 e no HM Nosa Señora da Esperanza.
O seu interese principal na investigación céntrase nas artropatías inflamatorias crónicas. É o autor ou coautor de numerosos artigos e artigos orixinais sobre artrite reumatoide, espondiloartrite e outras enfermidades reumáticas crónicas.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocou o luns a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
