Lugo, 3 de maio de 2019. O Presidente da Deputación, Darío Campos Conde, informou sobre os investimentos superiores aos 1,6 millóns de euros, que aprobou este venres a Xunta de Goberno. Campos Conde explicou que estes fondos destínanse á mellora de máis servizos públicos en zonas rurais dos Concellos, ao impulso do sector agrogandeiro e á posta en valor do territorio da provincia. A súa distribución é a seguinte:
– Destínanse 100.000 á recuperación de terras abandonas na provincia co obxectivo de poñelas en produción e contribuír ao impulso da actividade agrogandeira. Faise a través de axudas en concorrencia competitiva que se poñen a disposición de todos os gandeiros, agricultores, agrupacións de produtores, SATs e veciños que sexan titulares de explotacións. A vindeira semana abrirase o prazo de solicitudes destas axudas que son de 500 euros por hectárea, establecendo un máximo de 9.000 euros por beneficiario. Trátase dunha nova edición do Plan de Recuperación de Terras Abandonadas, do que xa se beneficiaron 220 lucenses, que puxemos en produción 1.200 hectáreas. Reedítanse estas axudas tendo en conta o seu éxito, pois os veciños beneficiados conseguiron reducir custos de produción e ampliar a súa cabana tras acadar máis espazo para o pastoreo ao recuperar territorio que estaba baldío.
– Achéganse outros 200.000 euros á dotación e instalación dunhas 120 marquesiñas nos 67 Concellos da provincia e ao longo da rede viaria provincial. Lévanse aos 15 municipios co maior número de quilómetros de estradas provinciais un mínimo de 2 marquesiñas por Concello. Estes son Cervantes, Navia de Suarna, O Saviñao, A Fonsagrada, Friol, Chantada, Vilalba, Folgoso do Courel, Pantón, Carballedo, Lugo, Ourol, Castroverde e A Pontenova. O resto de Concellos terán a lo menos 1.
– Invístense 200.000 euros na mellora duns 5 quilómetros de dúas estradas provinciais ao seu paso por Sarria: de Samos por Pintín a Sarria e de Pedrafita por Sabadelle a Vilanova de San Vicente de Froian. Presto de 390.000 euros ao arranxo de 8 quilómetros da estrada de Ferreira a Currelos, no Saviñao. 270.000 euros son para a mellora de máis de 7 quilómetros das vías de Córneas por Freixo á Lastra, e de Mesón Novo por O Ventorrillo a Chao de Vaga, nos Concellos da Fonsagrada e Baleira. 420.000 euros son para o arranxo duns 10 quilómetros de 5 estradas provinciais no Concello de Lugo: do Burgo a Palas de Rei; de Lugo a Ponte de Ombreiro; de Carballido por Santalla de Bóveda a Poutomillos; de Tolda de Castela a Canteira de Buratai; e de Coeses a Terlama.
– Achéganse case 40.000 á construción dunha pista polideportiva na parroquia de Rosende, no Concello de Sober.
A primeira sesión, de 11:00 a 12:30 h, contará cun autor asturiano destacado polo seu traballo arredor do mundo rural e da cultura campesiña. A actividade é aberta, participativa e gratuíta ata completar aforo.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
