Burela 15-5-19. Tras os resultados dos recentes Comicios Xerais, desde Cs Burela demandamos do señor Alfredo Llano que aclare a todos os veciños e veciñas deste municipio de forma nítida se aínda segue postulándose como cabeza de lista do PSdeG-PSOE en Burela para as próximas eleccións municipais.
Dicimos isto porque é de dominio público que o señor Llano figuraba nas listas electorais para as eleccións Xerais do pasado 28 de abril como suplente do señor César Mogo, que finalmente conseguiu acta de Senador pola nosa provincia en representación do PSOE.
Tamén é sobradamente coñecido que o señor Mogo é á súa vez estreito colaborador de Pedro Sánchez e desde Cs cremos que non sería desatinado que Mogo acabe ocupando un alto posto no Goberno de España cando pasen as próximas eleccións locais e, consecuentemente, renuncie á súa acta de senador para dar entrada ao señor Llano na Cámara Alta.
Se finalmente as nosas sospeitas cúmprense e prodúcese esta situación, o señor Llano estaría a incumprir unha vez máis a súa palabra dada ante toda a cidadanía de Burela cando anunciou que encabezaría as listas do seu partido para as próximas eleccións municipais. É máis, repetiríase un caso similar ao que protagonizaron os tamén socialistas Ismael Rego e Roberto Álvarez na década dos 80 cando Rego renunciou á alcaldía do entón concello de Cervo para irse ao Parlamento de Galicia e fose finalmente Álvarez quen gobernase como alcalde.
Llano e o resto de integrantes da candidatura socialista para as municipais en Burela comportáronse como trileiros políticos neste asunto. Tiveron tempo máis que suficiente para saír ao paso durante a pasada campaña e aclarar este particular, pero non o quixeron facer porque tanto a Llano como ao seu número dous, Ramiro Fernández, convenlles estar calados.
Se ao actual alcalde de Burela quédalle un fío de sinceridade e gallardía política debería renunciar ao seu posto de suplente para o Senado no momento de presentarse como cabeza de lista para as próximas eleccións municipais, pero preferiu xogar a dúas bandas para arrimarse ao sol que máis quente cando chegue o momento….o Sr. Llano quere xogar con dúas barallas e rirse dos veciños de Burela e deixar imposto un candidato, non presentado, o Sr. Ramiro.
É por iso que, esiximos ao señor Alfredo Llano, ao secretario local dos socialistas en Burela, Ramiro Fernández e ao secretario xeral do PSOE na Provincia de Lugo, Álvaro Santos Ramos, que sexan claros e sinceros por primeira vez na súa traxectoria pública. Queremos que nos digan a todos os veciños e veciñas de Burela cal será a súa decisión se finalmente César Mogo renuncia á súa acta de Senador pola provincia de Lugo, o Sr. Llano seguirá de concelleiro en Burela ou nos enganará e irase para Madrid.
O lobo, os cabalos e as persoas comparten desde hai séculos un mesmo territorio, unha convivencia que forma parte da realidade do rural e que presenta importantes retos. No marco da programación das San Lucas 2026, o Concello organiza este encontro para reflexionar e dialogar sobre esta situación, escoitar diferentes perspectivas e abordar os desafíos que implica compartir espazo co lobo. A cita terá lugar este mércores 21 de outubro, ás 18:30 horas, no Auditorio Pascual Veiga. Trátase dun tema de grande relevancia para o presente e o futuro do rural.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
