Ribadeo 23-6-19. O atleta ribadense Brais Díaz Salas, participou na matinal deste sábado, no Campionato galego sub14 de atletismo ó aire libre que se celebrou nas pistas Gregorio Pérez Rivera de Lugo.
Brais participaba nas dúas probas que máis traballou nesta temporada, cuns excelentes resultados, dúas medallas de prata.
Ás 10 da mañá era a quenda do lanzamento de peso, onde Brais partía coa 3ª mellor marca dos participantes. Unha gran participación cuns rexistros de 10,91-10,30-10,11-10,53 m., levaríao a acadar o subcampionato galego e unha mellora de 5 cms. na súa plusmarca persoal.
Un par de horas máis tarde competía en xavelina, onde se cumpriron os pronósticos, partía coa 2ª mellor marca e remataría coa medalla de prata, cuns lanzamentos de 30,30-X-27,27-28,88 m., o que o levaba ó segundo caixón do podium.
Con esta competición, Brais da por rematada unha extraordinaria tempada en pista, cun bronce no Campionato galego en pista cuberta, dúas pratas no galego en aire libre, dous ouros e un bronce no Campionato provincial de aire libre e unha meritoria 6ª praza no campionato de España de clubs.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
