Burela, 14 de xuño de 2019. O programa BUFANDO, Burela actÚa Fronte Á violeNcia De xénerO, de prevención da violencia de xénero e fomento das relacións igualitarias entre mulleres e homes continúa o seu desenvolvemento nos diferentes ámbitos da vida do concello.
Na última semana desenvolvéronse diversas accións formativas promovidas polo concello co apoio do Centro de Información á Muller de Burela e o CEIP Virxe do Carme, e lanzouse a campaña de sensibilización cidadá contra a violencia de xénero BUFANDO. Estas accións estiveron coordinadas e realizadas polo equipo de ReTnova Proxectia Consulting S.L., empresa adxudicataria do programa.
O traballo no CEIP Virxe do Carme consistiu na realización de dous talleres formativos para varios cursos de Educación Primaria (primeiro, segundo e cuarto), nos que se traballou coa rapazada para a detección de estereotipos sexistas, conductas agresivas e discriminacións explícitas ou implícitas contra as rapazas e a comunidade LGTBI. Asemade, nestes talleres promoveuse a normalización de referentes igualitarios e fomentouse o desenvolvemento de patróns de comportamento e comunicación baseados no diálogo, o recoñecemento das propias emocións e a súa xestión, e o rexeitamento a calquera manifestación de violencia. Máis de cen rapazas e rapaces asistiron a estes talleres, nos que participaron activamente a través de dinámicas, xogos e análises de contos.
Pola súa parte, a formación impulsada polo CIM acolleu a un grupo de mulleres que debateron e reflexionaron coa formadora sobre conceptos básicos relacionados coa igualdade entre homes e mulleres (p. ex. socialización de xénero, roles e estereotipos, patriarcado) e sobre a vixencia e relevancia do movemento feminista como ferramenta de consolidación da igualdade real. A formación, a primeira das tres que impulsa o CIM no marco do programa BUFANDO, combinou formación teórica con dinámicas participativas que fomentaron o recoñecemento por parte das mulleres da propia vivencia de xénero no sistema de desigualdade no que vivimos, e a clarificación de conceptos e procesos básicos referentes ao movemento feminista actual e aos movementos de mulleres en xeral.
Ademais, comezou tamén a difusión da campaña de sensibilización do programa Bufando a través do material gráfico posto a disposición da cidadanía e dos comercios e negocios de Burela por parte do Concello. O primeiro lote de carteis contra a violencia de xénero pode verse xa en tendas de diversa índole e edificios municipais.
Nas próximas semanas continuarase co desenvolvemento do programa BUFANDO, a través da realización de máis accións formativas, e da distribución de material informativo e formativo de gran relevancia sobre temáticas específicas que afectan ás relacións de desigualdade entre mulleres e homes e que o concello porá a disposición da cidadanía.
Tanto as acción realizadas como as que se continuarán desenvolvendo nas próximas semanas buscan desenvolver os acordos do Pacto de Estado contra a violencia de xénero dende o eido local, e están financiadas con cargo aos créditos recibidos do Ministerio de la Presidencia, Relaciones con las Cortes e Igualdad, a través da Secretaría de Estado de Igualdad, como dicíamos, co obxectivo de despregar o Pacto de Estado contra a violencia de xénero, a través dos entes locais.
Neste sentido, BURELA segue BUFANDO para afastar o machismo, porque aturar a violencia é cousa de todas e todos
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
