Lugo, 01 de xullo de 2019.- A Xunta de Galicia amosou a súa disposición para colaborar coa Comisión organizadora do Naseiro e así garantir a continuidade da romaría blindando as máximas condicións de seguridade para os participantes.
Está mañá tivo lugar un encontro, na delegación territorial da Xunta, no que participaron membros do colectivo organizador xunto a persoal técnico das consellerías de Medio Ambiente, Territorío e Vivenda, Infraestruturas e Mobilidade e do servizo provincial de Emerxencias.
A Comisión organizadora comprométese a solicitar os permisos precisos para tramitar a autorización do evento e tamén dar traslado das recomendacións de seguridade precisas para evitar calquera tipo de dano ou risco neste espazo natural.
Entre os acordos acadados a Comisión comprométese a respectar a zona de protección considerada de fluxo preferente delimitada por unha franxa de cen metros, contiguos ao leito fluvial, na que esta prohibido acampar. Trasladaranse fóra deste espazo tendas de campaña ou infraestruturas para durmir, xa que nesta zona pode concentrarse a auga do río en caso de enchente. Non ocupala evita graves riscos sobre as persoas e os bens. Máis aló desa franxa a Xunta non é competente.
Tampouco terá lugar o descenso do río para evitar a alteración dos recursos naturais presentes no leito fluvial. Este condicionante vén motivado pola aplicación da normativa europea vixente ao tratarse dun espazo natural que forma parte da Rede Natura 2000.
A administración autonómica acordou tamén coa Comisión a necesidade de reforzar os sistemas de información e advertencia sobre as actividades prohibidas e permitidas na zona (que entenden sería positivo facelo a través da publicación dun bando) e o seguimento das condicións climatolóxicas para garantir a seguridade do evento (sobre todo si existe risco de chuvias torrenciais)
Viveiro carece de plan municipal por inundacións
A Xunta tamén explica que a tramitación desta autorización sería moito máis sinxela se o Concello de Viveiro tivera elaborado o plan de emerxencias por inundación, obrigatorio segundo a normativa vixente, pero que aínda non elaboraron a pesar de que a Xunta advertiu ao goberno local desta carencia xa en maio do ano 2018. Requirimento sobre o que hoxe, máis dun ano despois, non se obtivo resposta.
Desde a administración autonómica lamentan tamén que o Concello non desenvolva maior apoio á Comisión organizadora descargando en este colectivo composto por voluntarios e sen ánimo de lucro toda a responsabilidade, sen ofrecer máis colaboración e sen asumir as competencias que ao propio Goberno local lle corresponden. Sinalan tamén que os condicionantes da Xunta non impiden a celebración da romaría senón que garanten que esta cumpra as debidas condicións de seguridade para os participantes e a contorna natural na que ten lugar.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
