Trabada, 3 de xullo, 2019. José Manuel Yanes Ginzo vén de comunicar á dirección do Partido que quere deixar paso para que outra persoa asuma a presidencia do PP de Trabada. Trátase dunha decisión persoal que xa foi comentada con anterioridade, e coa que o popular pon fin a case dúas décadas como responsable da agrupación local.
Concretamente, Ginzo asumiu a tarefa de dirixir o PP en 2001, cargo que desempeñou ata a actualidade. Agora será unha xestora, tal e como indican os estatutos da formación azul, a que tomará as rendas da agrupación ata que se nomee novo presidente. Os integrantes deste órgano sucesor serán designados proximamente pola dirección provincial.
Neste senso, Elena Candia agradece a Ginzo “tantos anos de traballo e implicación co Partido, sendo un referente no Partido Popular da Mariña”. Proba delo é que o popular foi alcalde durante 24 anos, dende 1991 ata 2015. Tamén foi deputado provincial durante dez anos (lexislatura 2007-2011, lexislatura 2011-2015 durante os anos 2013-2015 e lexislatura 2015-2019).
“Ginzo foi un excelente alcalde e un excelente compañeiro na Deputación, polo que só teño palabras de cariño e de agradecemento hacia el. Agora iniciaremos o proceso para renovar a presidencia, buscando aos mellores para fortalecer o Partido en Trabada e traballar polos intereses dos veciños”, conclúe a popular.
Pola súa banda, Ginzo ponse a disposición da dirección para facilitar o relevo “e axudar no que faga falta”. “A nivel persoal chegou o momento de deixar paso. Fágoo convencido porque toca vivir outra etapa na miña vida. Con todo, seguirei estando aí porque, por riba de todo, son un home de Partido”, afirma.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
