A inacción do goberno da Xunta ante a aparición no 2012 da vespa velutina en Galiza provocou que despois de sete anos de que entrara en terras galegas avanzara imparábel e prácticamente fóra de control, obrigando á veciñanza, agricultorxs, produtorxs e apicultorxs, así como ás administracións locais, a enfrontarse a esta praga (a Xunta segue a negar a día de hoxe poder declarala como tal) para intentar combater o seu avance.
A Comarca da Mariña constitúe unha das zonas cero da presenza da avespa asiática en Galiza desde que fora avistada por primeira vez no 2012 en Burela. Xs traballadorxs forestais, agricultorxs, produtorxs de froita, apicultorxs e veciñanza de Viveiro veñen sufrindo desde entón as consecuencias desta praga que ataca con especial virulencia ás abellas autóctonas e devora flores, froitas e uvas principalmente e que resulta mortífera para as persoas alérxicas ao seu veleno.
Segundo os datos rexistrados pola Consellería de Medio Rural, no concello de Viveiro detectáronse máis de 100 niños de velutinas a 31 de decembro de 2018 (datos que están moi alonxados da realidade posto que expertos na súa detección falan de máis de 500 niños retirados no 2018 no concello de Viveiro) e os datos recollidos no mapa de detección de niños de velutinas desta Consellería, ata o 12 de agosto de 2019, xa sobrepasa os 100 niños en Viveiro, o que apuntan a que este ano superará a cifra do 2018, posto que durante a época estival a colonia vai aumentando de tamaño ata acadar o seu máximo de exemplares nos meses de setembro e/ou outubro. Por outra banda, estes meses coinciden coa campaña da sidra, sendo cando xs produtorxs das mazás, teñen que collelo froito das árbores, o que supón un perigo engadido para xs traballadorxs e propietarixs das plantacións que poden atoparse de súpeto con niños de velutinas situados no alto das froiteiras, coas graves consecuencias que pode acarrear isto.
Desde o BNG entendemos que a presenza da avespa asiática non é so un problema agropecuario ou gandeiro, senón que é unha ameaza á saúde pública e ao equilibrio medioambiental, e sendo coñecedores de numerosos incidentes e accidentes sufridos por traballadorxs e veciñanza de Viveiro polos ataques de velutinas (últimos casos coñecidos no mes de agosto) e dun grande número de colmeas destruídas por esta praga queremos trasladarlle as seguintes preguntas no próximo pleno:
O goberno de Viveiro está a desenvolver algún Plan de contención da avespa velutina no termo municipal? E se é así, que medidas e accións se puxeron en marcha con este plan e cales son os datos detallados por parroquias do número de colmeas destruídas até a actualidade por esta praga e o seu custo económico, así como os resultados dos traballos de trampeo e retirada de niños realizados no 2018 e no que vai do 2019 polos equipos profesionais das administracións, xs apicultorxs da zona e a veciñanza?
O Concello de Viveiro está a realizar sesións de formación específica periódicas xs apicultorxs e produtorxs afectados por esta praga (tales como a realización de trapeos selectivos controlados e con asesoramento para minimizar os danos medioambientais e ás colmeas) e campañas informativas polas parroquias do concello para que a poboación saiba exactamente a que organismo se ten que dirixir en caso de atoparse cun niño e como reaccionar ante os ataques da velutina?
Cales son os recursos dos que dispón o concello (número de profesionais e material) para a retirada de niños de velutina? Pode informarnos do número de equipos de protección individual, pértigas e trampas e ou líquido atraente que distribuiu a Consellería de Medio Rural no 2018 e 2019 ao concello e ou apicultorxs de Viveiro?
Veciñxs de Viveiro quéixanse do tempo de resposta das administracións ante as súas chamadas de alerta da presencia de velutinas e lamentan que a Xunta lles obrigue a localizar os niños das velutinas antes de proceder á enviar un equipo para a súa retirada. Por outro lado, en decembro de 2018 a Consellería de Medio Ambiente dixo que ía reforzar ao longo do 2019 a retirada de niños primarios en Viveiro. Á vista destas denuncias deducimos que os traballos de reforzo non inclúen a detección dos niños…Ten información o concello en que consiste este “reforzo” exactamente e os datos e cifras ao respecto dos resultados deste reforzo anunciado pola Xunta?
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
