Alfoz, 20 de agosto, 2019. A presidenta do PP da provincia de Lugo, Elena Candia, reuniuse en Alfoz cos membros da agrupación local e do novo Grupo Municipal Popular dando continuidade ás xuntanzas que vén mantendo en cada municipio co obxectivo de organizar a agrupación do PP de Alfoz, coordinar as liñas de traballo e preparar as vindeiras citas electorais. Así, os populares alfocenses propoñen a Daniel Rejes, que ostentaba a presidencia de NNXX, como responsable da nova xestora da agrupación local.
A xuntanza de traballo, na que tamén participou o coordinador do PP na Mariña, José Manuel Balseiro, serviu ademais para que os populares locais puxeran en coñecemento da tamén voceira do Grupo Provincial do PP a problemática que sofren os veciños e veciñas coas estradas que son titularidade da Deputación de Lugo.
Nese sentido, sinalan dende o PP de Alfoz que “ao lamentable estado no que se atopan estas vías aínda sen desbrozar cando falta moi pouco para que remate o mes de agosto”; hai que engadir tamén os problemas de circulación que supón que estas estradas sexan estreitas e presenten pontes moi estreitas”. De feito, sinalan que “xa se teñen producido accidentes”.
Compromiso e investimentos da Xunta en beneficio dos veciños de Alfoz
“A falta de atención ás vías de titularidade provincial contrasta co compromiso do Goberno galego que neste mesmo mes de agosto acometeu obras de mellora da travesía de Alfoz e outros treitos da estrada LU-160 entre Adelán e Ferreira do Valadouro cun orzamento de máis de 180.000 euros”, manifestaron.
De feito, outro dos temas abordados na xuntanza foron os investimentos que a Xunta dirixiu nos últimos anos ao municipio en beneficio dos veciños e veciñas. Ademais desta obra, puxeron de relevo, “a mellora e impulso do rural que en Alfoz leva o selo dos goberno do Partido Popular”; xa que “a Xunta de Feijóo investiu máis de 7 millóns de euros nas parcelarias Val de Alfoz e Pereiro-As Oiras que contribúen ao seu mellor aproveitamento por parte dos gandeiros e gandeiras do municipio que agora dispoñen de fincas máis grandes e con mellores accesos”.
Igualmente, recordaron os máis de 85.000 euros que o Goberno autonómico destinou no primeiro semestre deste ano ao sostemento do servizo de axuda no fogar a dependentes, así coma os máis de 82.000 euros que recibiu o Concello de Alfoz no mesmo período con cargo ao Fondo de Cooperación Local.
Asuntos de interese municipal
Os populares de Alfoz abordaron de novo o abandono ao que somete o Goberno local ás infraestruturas públicas como son a piscina, os parques e as áreas recreativas do municipio. “Un descoido que se estende tamén ás rede viaria municipal”, conclúen.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
