Viveiro, 22 de setembro, 2019. Como ben dixemos dende un principio, a plataforma veciñal ProCeleiro é apartidaria, pero non apolítica, pois a política é a ferramenta que temos para defender o ben común. Dito isto, analizamos cada paso e cada palabra que os distintos partidos políticos nos trasladan, pois eles son os que teñen que moverse para poñer solución aos problemas da nosa ría. O pasado venres 20 foi un día intenso, e sacamos as nosas conclusións.
Na Plataforma coñecemos o traballo anterior na eurocámara de Ana Miranda, portavoz do Bng en Europa, con respecto da ría de Viveiro, e da súa intención de acercarse ao noso pobo dende o primeiro día das mobilizacións que realizamos.
Unha vez que publicou a súa visita para o venres, inmediatamente despois a Consellería de Infraestruturas e Mobilidade programou unha reunión con nós sen ter confirmada a nosa asistencia.
Por suposto, e porque a nós o que nos interesa son solucións ás nosas peticións, decidimos asistir á reunión coa conselleira.
Sorprendeunos que a conselleira da Xunta anunciase a licitación das obras de mellora da Edar no día de onte, sen estar nada pubricado no DOGA, e máis cando Miranda confirmou que a comisión europea non ten constancia.
Preocúpanos que este anuncio que fixo a consellería se trate simplemente dun acto eleitoralista, e queremos crer que na próxima semana veremos algo publicado no diario oficial aparte da foto na prensa que xa vimos tod@s no mesmo día. Aproveitamos tamén para expresar a nosa sorpresa pola falta de respecto institucional que mostrou a Xunta ao facer pública a licitación sen contar coa presenza da alcaldesa de Viveiro, parte implicada neste proxecto. Dato que de novo nos fai pensar nun rédito de cara ás eleccións, e por iso nos ratificamos en que imos a estar moi pendentes dos prazos e vixiantes de cada paso!
Temos tamén serias dúbidas de como se vai a desenrolar o segundo proxecto. O do emisario. Tanto da súa demora no tempo coa conseguinte continuidade da desconexión da depuración de Celeiro e Area; da obrigatoriedade e cumprimento do pretratamento das industrias que terá que ser efectivo antes da súa conexión á depuradora; como de que a folla de ruta alternativa que presentou a Xunta pode ser eficaz a curto prazo, pero medo de que se gasten os fondos nun proxecto incompleto e de novo volva a quedar así durante outros 20 anos.
Por todo isto, entre outras cousas, e visto que a presión fai a forza, anunciamos a nosa intención de acompañar a Ana Miranda a Europa e agradecemos a oportunidade que nos da de denunciar públicamente no Parlamento Europeo o que está a acontecer na nosa ría!!
E como dicimos sempre, chegaremos onde haxa que chegar. E este movemento non hai quen o pare!!!
Plataforma Veciñal Pro-Celeiro.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
