Foz, 22 de outubro, 2019. A asociación cultural A Pomba do Arco, no marco dos actos de homenaxe a Xoán Carlos González Basanta, que se celebraran coincidindo co trinta aniversario da entidade, editará un libro póstumo da súa autoría. O volume titulado, Charametas da memoria, en referencia a uns relatos inacabados que escribiu nos seus últimos anos, recolle unha serie de textos e discursos, unha parte deles inéditos, outros recollidos en diversas publicacións e unha parte deles coñecidos pero non impresos. Xoán Carlos González Basanta, caracterizouse polo seu gusto literario, pola súa finura á hora de escribir, pola súa vontade de estilo e por ter tocados diferentes xéneros, como a poesía, a narrativa, o ensaio e a oratoria, onde nos deixou pezas de imborrábel recordo para os focegos.
O libro, impulsado pola Pomba do Arco, responde ao obxectivo de axudar a coñecer de primeira man as preocupacións e motivacións de Xoán Carlos González Basanta pero tamén de comprender a razón de ser dun entidade empeñada en facer cultura galega en Foz. Os textos de Basanta incluídos no volume recollen unha parte da súa obra de ficción, concretamente, unha serie de poemas publicadas no fanzine O Cadaleito baixo o pseudónimo de Luís de Fonseca e un bosquexo de libro de relatos que non lle deu tempo a rematar. Ao tempo, achega un pregón pronunciado con motivo das festas do Carme de Foz e unha intervención pública realizada nun acto de homenaxe ás vítimas do franquismo, como exemplos dunha oratoria que emocionou e a moitos focegos. Xa por último, inclúense unha serie de textos previstos como limiares para diversas publicacións, a maioría deles coñecidos e un aínda inédito.
Charametas da memoria presentarase coincidindo cos actos da homenaxe a Xoán Carlos Gonzalez Basanta, a celebrar o sábado 26 de outubro ás 20:00 h no salón de actos do colexio Martínez Otero, onde se porá en escena un espectáculo teatral e musical, elaborado en exclusiva para a ocasión polo grupo teatral Touporroutou teatro e o músico e director da escola de música de Foz, Felipe Sánchez. A montaxe está baseado nunha serie de textos literarios elaborados por Xoán Carlos González Basanta, os máis deles a día de hoxe inéditos e, onde se recollen, as preocupacións do homenaxeado, a súa visión de Foz e das súas xentes, as motivacións persoais e colectivas e sobre un todo un inmenso cariño ao seu pobo.
A asociación cultural A Pomba do Arco quere convidar a toda a veciñanza de Foz e d´A Mariña, e moi particularmente, a todos aqueles que gozaron da amizade de Basanta, a asistir a este acto na súa lembranza. Os actos do trinta aniversario d´A Pomba do Arco, terán continuidade a partir das 22.00 h, no Restaurante Racimo de Foz, cun menú de entrantes, arroz negro con chipiróns e gambas, tenreira asada e postre e unha actuación do grupo musical Vudú. Vudú, é un dúo musical formado por Belén Tajés, antiga vocalista de Luar na Lubre e Maritxinha, cunha recoñecida traxectoria musical , até o punto de conseguir o premio á mellor canción galega no certame de música moza “Eu son VooDoo”ou o premio Martín Codax de música de 2017. Aquelas persoas interesadas en acudir a cea e o concerto deberán retirar a súa tarxeta, antes do 23 de outubro, no restaurante Barrilete, na ferraxaría Fuente ou na cafetaría Mayros, ou poñerse en contacto con nos no telefone 608-555-010.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
