Lugo, 10 de novembro de 2019.- A subdelegada do Goberno, Isabel Rodríguez, destacou que a xornada electoral está a desenvolverse sen ningunha novidade de importancia na provincia de Lugo e animou aos lucenses a participar co seu voto na elección dos deputados e senadores que representarán á provincia nas Cortes Xerais.
“A mañá está a ser tranquila e agardo que así continúe durante o resto da xornada de votacións. As mesas electorais abriron puntualmente e sen problemas en toda a provincia. Só en Monforte houbo unha pequena incidencia nun colexio electoral, onde se incorporou como vocal dunha das mesas a primeira persoa que acudiu votar por indicación da Xunta Electoral”, explicou a subdelegada.
Isabel Rodríguez destacou a valiosa achega das persoas que hoxe garanten o dereito ao voto dos lucenses e agradeceu o seu compromiso democrático “a todos os membros das mesas electorais, aos axentes que velan pola seguridade das votacións e a todas as persoas que hoxe traballan para facer posible a tranquilidade da xornada electoral. Sen eles non sería posible que os cidadáns de Lugo puideramos exercer o noso dereito ao voto”.
Ademais, a subdelegada fixo un chamamento á participación nos comicios. “Animo a todos os lucenses a facer uso hoxe deste dereito. Aínda que chova, que ninguén nos quite o nosa capacidade de elixir as persoas que nos van representar nas Cortes Xerais”, manifestou.
XORNADA ELECTORAL EN DATOS
Nos 67 concellos da provincia están abertas 538 mesas electorais formadas por 1.614 membros. Nestas eleccións teñen dereito ao voto na provincia 344.445 electores, dos que 277.219 son residentes nalgún dos concellos da provincia e o resto residen no exterior. Para poder participar nos comicios, 17 persoas con deficiencia visual solicitaron na provincia o kit especial que lles permitirá exercer o seu dereito ao voto nestas eleccións.
Coa finalidade de garantir o correcto desenvolvemento da xornada electoral despregouse un amplo dispositivo que, ademais dos presidentes e vocais das mesas electorais, inclúe forzas de seguridade e representantes da administración.
De velar pola seguridade da xornada electoral na provincia encárganse 1.104 axentes, a gran maioría (1.000) membros da Garda Civil e a Policía Nacional, que contan co apoio de axentes das Policías Locais de Lugo, Viveiro, Ribadeo, Foz, Burela, Vilalba, Chantada, Guitiriz, Cervo, Sarria e Palas de Rei, así como da Policía Autonómica.
Ademais, 413 as persoas actuan como representantes da administración e ocúpanse de verificar a correcta apertura das mesas, resolver posibles incidencias e recoller os datos do reconto do voto cando pechen as mesas.
Nestas eleccións, os lucenses escollemos 4 deputados no Congreso e 4 senadores na Cámara Alta. Na nosa provincia, son 12 as candidaturas proclamadas para o Congreso e outras 11 para o Senado, unha menos que nas eleccións de abril.
A loxística preparada para a celebración das eleccións inclúe 408 colexios locais electorais, nos que están instaladas as 538 mesas de votación, que permanecerán abertas ata as 20:00 horas. Para facer posibles as votacións, imprimíronse un total de 3.000.000 de papeletas das distintas candidaturas que se presentan ao Congreso dos Deputados e 250.000 papeletas para o Senado.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
