Viveiro, 7 de novembro de 2019. O martes 5 de novembro celebrouse unha mesa de contratación na que se propuxo a adxudicación para a execución das obras contempladas no proxecto de “Reposición do firme na pista de Sobrado-Pousadoiro a Cambela”, cun orzamento de contrata de 106.000,00€.
Coa execución deste proxecto, preténdese acometer a mellora do firme das pistas de Pedrouzos e do Camiño Vello, ambas de titularidade municipal, situadas na parroquia de San Pedro de Viveiro. Estes viais presentan un firme moi envellecido motivado polo continuo tránsito de vehículos pesados derivado da importancia que os sectores forestal e agropecuario presentan na parroquia. Por este motivo, a intervención na reposición dos firmes faise necesaria para garantir o bo tránsito circulatorio, así como o accesibilidade ás vivendas e ás zonas de explotación, tanto gandeiras como forestais.
As obras que se van realizar consisten en actuacións de mellora, mediante o reforzo do firme existente coa incorporación de novas capas máis axustadas ás características do tráfico rodado que soportan, e mantemento, tanto do firme existentes -mediante o bacheo de determinadas zonas- das marxes dos camiños -mediante a limpeza das cunetas-.
Esta obra, que se propón para a súa adxudicación por un importe de 88.923,40 €, é financiada integramente pola Deputación de Lugo dentro do Plan Provincial Único de Cooperación cos Concellos 2019.
Ademais, no día de hoxe asináronse as actas de recepción das obras incluídas nos proxectos de reposición da capa de rodadura e dotación de servizos na rúa denominada Camiño Vello-Viveiro e de ampliación da Rede de Saneamento no lugar de Toxeiras, Landrove.
As obras de dotación de saneamento, pluviais, abastecemento, alumeado público e mellora do firme entre as rúas Verxeles e a Avda Xunqueira – Estrada de Betanzos (Camiño Vello) tiñan un orzamento de contrata de 94.687,5, sendo adxudicadas por un total de 73.326 € e estando incluída no Fondo de Compensación Ambiental.
As actuacións executadas no Camiño Vello inclúen as seguintes actuacións: aumento da sección dos tubos que formaban parte da rede de evacuación de augas residuais, dotación dunha rede separariva de pluviais, dotación dunha nova rede de abastecemento de auga potable para garantir o bo servizo da instalación, canalización da instalación do alumeado público para poder liberar as fachadas do cableado grampado, así como nos cruces e intersecións de viais; e reposición do pavimento mediante a aplicación de aglomerado en quente tipo D-12.
As obras de ampliación da rede de saneamento no lugar de Toxeiras, Landrove, cun orzamento de contrata de 54.974,90 €, incluíron o levantado de pavimento e instalacións existentes na pista Toxeiras de Abaixo, na parroquia de Landrove; para a súa posterior dotación de servizos (dotación de bocas de riego, mellora da rede de abastecemento de auga e dotación da rede de saneamento) e, finalmente, reposición do pavimento actual, reforzo en zonas de rebaixe do pavimento e apertura de zanxas con capa de grava compactada e posterior apliación nunha lonxitude de 245,00 m de capa de aglomerado en quente tipo D-12 con 6 cm de espesor.
A execución desta obra, adxudicada en 45.695,14 €, serviu para repoñer o pavimento do vial referido e mellorar os servizos de abastecemento de auga e saneamento, co obxectivo de garantir a funcionalidade e mellora da calidade dos servizos urbanos existentes.
Esta actuación inclúese no Plan Único 2018 da Deputación Provincial de Lugo, que financia un total de 34.647,44 €, mentres que o Concello de Viveiro achega un total de 11.047.70 €.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
