Lugo, 10 de decembro de 2019.- A subdelegada do Goberno, Isabel Rodríguez, e o alcalde de Foz, Francisco Cajoto, supervisaron hoxe a marcha dos traballos que está a realizar o ministerio de Fomento para reparar o paso superior sobre a estrada N-642, en Mañente (Foz).
As obras, que comezaron o pasado día 2, forman parte dunha actuación máis ampla, xa que, tal como lle anunciara a subdelegada ao alcalde a finais do mes de outubro, Fomento ten previsto realizar traballos de arranxo en catro pasos superiores situados na estrada N-642 ao seu paso polo municipio de Foz.
“Unha vez máis, demostramos o noso compromiso cos veciños e veciñas de Foz, que se traduce en feitos, non en palabras bonitas”, destacou a subdelegada, quen lembrou que “tal como lle prometín ao alcalde hai unhas semanas hoxe temos ocasión de comprobar a execución dunhas obras de reparación que son necesarias, pero imos máis aló porque tratamos de evitar que se volvan producir este tipo de danos nos pasos elevados”.
Trátase de catro pasos superiores con tipoloxía de vigas prefabricadas, que están situados sobre a estrada N-642, entre os puntos kilométricos 29+700 e 33+900. Todos eles presentan algún tipo de desperfecto e Fomento, ademais de arranxalos, tomou a determinación de acometer unha actuación máis ambiciosa que inclúe o aumento do gálibo vertical en tres das pontes para previr futuros danos.
Está previsto que se realice esa modificación en tres dos pasos superiores, incluído o de Mañente, nos que en varias ocasións se rexistraron impactos de vehículos nas vigas debido á baixa altura existente entre a rasante da estrada N-642 e a parte inferior dos taboleiros. O último dos desperfectos rexistrouse nesta ponte, situada no p.k.29+700, o pasado 24 de xullo.
Fomento vai investir en total 473.000 euros nestes traballos que se levarán a cabo nos catro pasos superiores durante os próximos meses. A actuación prevista afecta aos pasos superiores existentes na N-642 nos puntos kilométricos 29+700, 32+300,33+000 e 33+900.
A execución destas obras de mellora nos catro pasos superiores obriga a establecer algunhas restriccións de tráfico, con cortes nun sentido de circulación en horario diurno polo que se habilita o paso alternativo por un carril regulado por semáforo. Ocasionalmente e por seguridade, cando se executen as operacións máis complexas, será necesario realizar algúns cortes de tráfico, que se farán de noite en datas nas que se rexistra unha menor afluencia de vehículos, e o desvío da circulación por estradas alternativas.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
