Viveiro, 12 de decembro de 2019. O grupo de goberno do Concello de Viveiro abstívose no pleno municipal de onte nunha moción presentada polo Partido Popular sobre a concesión do peirao do municipio, “xa que é un tema no que estamos a traballar desde hai meses na mellor opción para os nosos veciños e veciñas”.
Na moción, o PP instaba a solicitar a concesión do peirao a Portos de Galicia para a súa regularización, facéndose cargo do mantemento, vixiancia e urbanización. Para dita medida, engadía o texto, será preceptivo un convenio entre o Concello e o organismo autonómico. A moción foi aprobada cos votos a favor do PP, Por Viveiro, e Son Viveiro, e coa abstención socialista e do BNG.
“Tal e como expliquei na sesión plenaria, sorprendeunos especialmente a presentación desta moción, tendo en conta que foi este equipo de goberno o que realizou esa misma proposta a Portos de Galicia nunha reunión celebrada o 17 de outubro”, manifesta a alcaldesa de Viveiro, María Loureiro.
“Non sabemos se é que os concelleiros do grupo popular non adoitan ler a prensa, se non teñen comunicación con Portos de Galicia ou que puido pasar, pero é evidente que estaban a propoñer un acordo que nós mesmos plantexamos á administración autonómica hai un par de meses”, afirma.
O grupo de goberno considerou polo tanto “que non tiña sentido aprobar esta moción cando se trata dunha cuestión xa proposta e na que estamos a traballar; de feito, dende Portos de Galicia xa se nos indicaron cales serían as condicións nas que se establecería ese convenio de concesión: tería unha duración de catro anos, prorrogable por outros catro, e entregaríase ao concello no mesmo estado no que se atopa neste momento”.
As obras que este espazo necesita implican un investimento considerable, pois é necesario aglomerar ou instalar varandillas novas, entre outras posibles actuacións. Por este motivo, “dende o concello estamos valorando tanto esta posibilidade como unha posible reversión por parte de Costas, coa finalidade de establecer as condicións de cada unha destas tramitacións e valorar cal sería a mellor opción para o concello”, engade María Loureiro.
“Respectando loxicamente o acordo adoptado no pleno, seguiremos realizando as xestions oportunas para escoller a mellor opcion para os intereses municipais”, remata o grupo de goberno.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
