Dicía un amigo meu antes de iniciar este proxecto político en prol da miña cidade: «Pensáchelo ben? Isto é un conto chinés. Con esta muller que está na alcaldía, o tempo pasa e pasa e Viveiro segue igual; é a inoperancia absoluta. É incapaz de tomar decisións por ela mesma; sempre busca outros responsables».
Eu, que xa non son un rapaz, sabía que era verdade o que me dicía o meu amigo, pois non hai máis que ver o desenvolvemento que, nos distintos campos de xestión, sufriu Viveiro nos últimos quince anos. Non obstante, como persoa curiosa que son, tiven a ousadía de comprobalo.
Neste intre, hai seis meses que os membros do equipo do PP de Viveiro empezamos unha nova andaina e xa foi tempo suficiente para darnos conta de que o que dicía o meu amigo é a realidade. En síntese, nestes seis meses, despois dunha espectacular riada en Xunqueira, que causou moi graves danos, a Xunta remitiu informes ao Concello para a súa análise e posterior sondeo con veciños; pois ben, os informes pasaron meses enriba da mesa, sen que lles deran saída, ata que os técnicos de Augas decidiron intervir. Reuníronse coa veciñanza para analizar as necesidades e acomodar o estudo a elas.
Tamén nos atopamos cunha estación depuradora de augas residuais (EDAR), de competencia municipal, que, se non chega a ser polo movemento veciñal, seguiría soñando cos paxaros de cores. Menos mal que, por fin, Viveiro terá unha solución para as augas residuais, propiciada pola Xunta. E todo a pesar de que a alcaldesa fai ademán de gobernar…. Pero todo queda no ademán.
Por outro lado, presenta os «presupostos» do ano 2019 en pleno mes de novembro (¡Menuda burla!). Apraza o pago da débeda cos bancos (só para provedores) un ano máis, cos seus correspondentes xuros (máis de 100.000 euros); todo isto a pesar de que hai un plan de viabilidade aprobado para o pago no seu tempo. Por riba a débeda municipal segue a ser a mesma que hai quince anos, coa diferenza de que agora é toda en gasto corrente.
Falan con tanta lixeireza de Aspanane e da Escola de Idiomas que impresiona. Enganan aos dous colectivos, xa que, a día de hoxe, e vai case un ano, non moveron ficha para firmar o convenio coa Xunta. O convenio actual expira a final de ano; aporta boa parte dos recursos económicos para que ambos centros teñan espazos axeitados. E sempre botándolle a culpa a outros ou ás circunstancias; neste caso, a que o Goberno central está en funcións, como se iso impedira a toma de decisións.
E suma e sigue, porque agora dinos que xa estaba tratando a concesión do peirao; a señora alcaldesa confunde trato con conversa, porque as conversas poden ser moitas, pero, os tratos, poucos. Tempo ao tempo e verán vostedes como transcorre e será outro conto chinés máis.
No caso de que á señora alcaldesa se lle faga difícil gobernar, ten que asumilo e quedará moito mellor que tendo un concello desfeito por todas as esquinas. Non da feito o que ten que facer na media xornada que dedica ao Concello e, por riba, a outra media xornada é para á Deputación.
En fin, querido amigo, hoxe teño que darche a razón, teño que dar por bos os teus argumentos. Pero tamén teño que dicir que o meu grupo, o grupo do Partido Popular, non vai deixar de traballar por Viveiro, aínda que somos conscientes das dificultades que todo o exposto entraña.
Óscar Rodríguez
Portavoz do PP en Viveiro
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
