Mondoñedo, 17 de decembro, 2019. Este V Encontro de Participación Cidadá entre membros da corporación municipal de Mondoñedo, representantes de diversos colectivos veciñais, culturais, empresariais e veciños e veciñas celebrarase o venres, 20 de decembro do 2019, as 20:30 horas no Salón de Plenos da Casa do Concello, Organizado pola Plataforma Cidadá “Comarca de Mondoñedo Unida” e o Concello de Mondoñedo. O obxectivo, como nos encontros anteriores, é tratar, sen máis limitacións que as do respecto e o interese xeral, temas que afectan ao presente e ao futuro da maioría dos veciños e veciñas da “Comarca de Mondoñedo” e coñecer o estado de execución dos asuntos tratados en anteriores encontros. Sobre a mesa, asuntos como: Areas de Turismo-Ensino- Cultura. -Estado de execución do proxecto de potenciación da Área Recreativa da Fervenza de Viloalle. Posibilidade de inclusión nun proxecto europeo e posta en valor da contorna como a fonte de augas sulfurosas e o acondicionamento do castro da Recadieira. -O Camiño Cultural de “As Catedrais” pola “Variante Marítima” do Camiño Norte.
-Información sobre o proxecto de implantación dun “Centro de Inmersión Lingüistica”. Proxecto aprobado por Unanimidade en Sesión Plenaria, pola Corporación Municipal de Mondoñedo e por Maioría en Sesión Plenaria da Deputación de Lugo Areas de Servizos Dotacionais: Espazos Públicos, Viales e Aparcamentos. -Estado de execución do aparcadoiro da Igrexa Nova-Campo da Granxa. -Análise da remodelación da Praza da Catedral e dos accesos pola rúa Río de Sixto polo barrio dos Castros e pola entrada de Valiño. Areas de Servizos Sociais, Sanitarios. – O Centro de Acollida de Menores non acompañados de Mondoñedo. A Residencia de Maiores e o Centro de Día e de Alzheimer. Areas empresariais. Sectores: Agrícola , Forestal, Comercio, Industria e Artesanal.Outros Sectores Deportivo. Musical. -Infraestruturas empresariais: Análise do estado do polígono industrial de Xiros, naves de ECAR-FIMSA e de San Lázaro. O barrio artesanal de “Os Muiños”… Os sectores hortícola e Forestal…O Proxecto Rexurbe… -Feiras e Festas Turístico- Agroalimentarias. Actividades deportivas e musicais, etc.
Calquera outra proposta ou tema que a xuízo das persoas asistentes mereza ser tratado será incorporado á orde día no mesmo acto. Consideramos que a participación cidadá é fundamental para conseguir os obxectivos colectivos que nos propoñamos polo que animamos á veciñanza, organizada ou non, a que se sume a este convocatoria e participe activamente tanto nas propostas como aportando ideas para as deseñar as mellores solucións.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
