Ribadeo, 24 de febreiro de 2020. A Asociación de Profesores de Automoción de Galicia (APAGA) organiza un novo curso que se celebrará esta fin de semana, o día 29, en Ribadeo. Será no Centro de Experimentación Agroforestal Pedro Murias, onde Pedro Álvarez impartirá un curso sobre climatización, que terá unha duración de oito horas e para o que hai xa preto de 20 persoas inscritas. O presidente de APAGA, Álvaro Doural, anuncia que ata finais de maio todas as fins de semana haberá actividades formativas en Ribadeo e agora tamén na Coruña.
Doural explicou que “este curso de climatización se vai facer no Centro de Experimentación Agroforestal Pedro Murias de Ribadeo, que desde hai unhas datas é a nova ubicación da asociación de profesores, onde temos unhas instalacións cedidas pola Consellería de Medio Rural. O día 29 vaise facer un curso de climatización no que se vai falar das novas tecnoloxías, dos novos gases que se van utilizar nos vehículos”.
O presidente de APAGA dixo que “é un curso que practicamente xa está pechado, queda algunha praza, pero tivo unha gran afluencia de xente moi interesada. De aquí a finais de maio están programados cursos todos as fins de semana. Algúns deles vanse facer na nova sede que temos en Coruña e outros en Ribadeo. A maioría seguen facéndose en Ribadeo, pero algúns si se van desprazar coa idea de que o curso sexa da maior calidade posible, de ter uns materiais e os medios axeitados aos contidos do mesmo”.
Álvaro Doural anunciou que “posiblemente en datas antes do verán imos ofertar outro tipo de iniciativas. Estamos nun ano de continuos cambios, de continuas posibilidades. Desde a asociación cremos que debemos responder ao reto que hai de necesidades de formación, e tamén naqueles casos de toda aquela xente que se queda sen formación e sen un medio onde poder competir despois no mundo laboral. Creo que imos a ese campo, como asociación sen ánimo de lucro penso que debemos responder a todo ese tipo de iniciativas”
O presidente de APAGA cre que “é un apoio a resolver todas estas situacións que se están dando na Mariña de cantidade de empresas que están pechando ou en situación crítica, e penso que o tema da formación é un poder importante que está aí. Ata finais de maio vai haber unha programación as fins de semana, e de cara ao verán esperamos poder ofertar cousas novas e outros proxectos que se están facendo noutros países de Unión Europea. Creo que hai campos moi atractivos e que se poden programar actividades que supoñan un valor engadido a toda a xente da Mariña”.
Doural engadiu que “neste momento estamos reordenando a nosa organización, aínda que hai pouco tempo que fixemos uns cambios, vai haber outros con máis profundidade de aquí ao verán que penso que poden ser moi novidosos, moi atractivos e interesantes para as persoas que viven nesta zona de Galicia. Algunha das actividades pensamos que imos ofertalas a nivel galego ou ás comunidades autónomas cercanas”.
APAGA organiza un novo curso de formación sobre climatización que se celebrará este sábado, 29 de febreiro, no Centro Pedro Murias
Relacionado
-
O PP de Foz denuncia que o Concello actuou tarde e critica o abandono das estradas e do alcantarillado
-
A Interfederativa de Confrarías analiza en Foz a sustentabilidade e rendibilidade da pesca artesanal
-
Educación reprocha ao Goberno central e ao Concello de Burela a falta de apoio nas obras dos centros educativos
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
