O gran desafío da humanidade pasa por frear o impacto que o cambio climático está a provocar no noso planeta.
A este respecto, é necesario que se tomen medidas contundentes, tanto a pequena como a gran escala, para lograr esa adaptación á preocupante situación na que nos atopamos, pero é fundamental que estes pasos sexan coherentes e compatibles tamén co progreso da sociedade.
A velocidade da transición enerxética é un factor a ter en conta, e que pode supoñer serios riscos para algúns lugares máis vulnerables que outros neste proceso inevitable e necesario para minorar o ritmo actual do quecemento global.
A consecución dos obxectivos fixados en materia de clima e enerxía dependerá das decisións políticas que se adopten e da vontade global para alcanzalos. Polo que a complicidade entre os gobernos, as empresas e a sociedade civil é clave para facerlle fronte a esta problemática.
Pero nesta liñas tamén quero facer un chamamento ao sentido común, para evitar que estes pasos imprescindibles que hai que dar de xeito coordinado non se volvan na nosa contra, condicionando o benestar social e económico de determinadas zonas, co correspondente risco de desindustrialización do noso territorio.
É importante buscar esa combinación efectiva das políticas industriais globais co respecto medioambiental; que as medidas que se adopten non se convertan en ferramentas empobrecedoras para a nosa sociedade.
A título individual cada un de nós, como cidadáns, temos encomendada unha función importante a desempeñar neste proceso transformador e que, insisto, creo que deber ser progresivo. E desde a nosa posición, as entidades locais temos que asumir a responsabilidade de promover políticas de concienciación ambiental no noso ámbito, buscando involucrar aos consumidores como axentes activos nesta importante tarefa que todos temos por diante. Porque non hai planeta B. Niso estamos de acordo.
Alfonso Villares, vicepresidente primeiro da Fegamp
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
