Foz, 4 de marzo de 2020. Este xoves, 5 de marzo, a número 8 da lista do PSOE ás eleccións municipais de maio de 2019, María Milagros Louzán García, tomou posesión no Concello de Foz como nova concelleira e ocuparase das delegacións de Muller, Igualdade, Migración e Sanidade.
Esta focega de 40 anos estudou Enxeñería de Camiños, Canais e Portos na Universidade de A Coruña. Nunha primeira etapa profesional, que durou máis de seis anos, dedicouse á xestión de obras públicas en varias comunidades autónomas. Coa chegada da crise decidiu especializarse e cursou un Máster de Prevención de Riscos Laborais e ademais un Máster de Formación do Profesorado. Durante as prácticas deste último Máster descubriu unha vocación tardía: o ensino. Tomou a determinación de impartir clases no ensino público e presentouse ás oposicións pola especialidade de Matemáticas, obtendo a praza no 2016. Actualmente traballa no IES de Foz.
Milagros Louzán chega ó posto a tres xornadas do Día Internacional da Muller, que este ano levará a manifestación unitaria da Mariña ás rúas de Foz. Feminista convencida cre que “o feminismo aínda ten moito polo que loitar: cando eu tiña 20 anos non podía imaxinar que no 2020 as enfermeiras, as mestras e as coidadoras fosen aínda na súa maioría mulleres, nin unha foto do Consello Xeral do Poder Xudicial onde todos fosen homes. Isto demostra que queda moito por andar en canto a igualdade. A incorporación dos homes ós coidados é unha tarefa pendente”. Por outra banda, Milagros Louzán defende “un feminismo integrador e aberto no que todas as mulleres e todos os homes traballen nos seus respectivos ámbitos para acadar a igualdade real.”
Outra das áreas que abarcará a nova concelleira é Migración, con respecto á cal opina que “sendo Galicia un país de migrantes non concibo unha política pública que non se preocupe pola integración e o benestar deste colectivo. Desde o Concello traballaremos para mellorar o nivel de integración dos migrantes e desmentir os bulos sobre os mesmos que só conseguen aumentar a xenofobia e o racismo.”
Con respecto á sanidade Milagros Louzán declara que “estamos ante un momento crítico de desmantelamento da sanidade pública en Galicia. Derivar servizos á sanidade privada é o primeiro paso para facer que no sistema sanitario primen os criterios económicos antes que os puramente médicos. Non nos podemos permitir que os pacientes sexan vistos como euros, e iso é o que pasa cando os hospitais son entidades privadas. Desde os concellos podemos recibir e canalizar as queixas dos veciños, ter o diagnóstico da situación feito para que cando haxa cambio de goberno na Xunta de Galicia poidamos esixir un bo trato desde esa administración para cos concellos do rural.”
Milagros Louzán tomou posesión como concelleira en Foz este xoves, e ocuparase das delegacións de Muller, Igualdade, Migración e Sanidade
Relacionado
-
A Deputación sitúa a provincia como referente en biodiversidade na apertura dun foro internacional sobre turbeiras
-
Villaverde inaugura o proxecto educativo `Movemento Azul` que conecta a mocidade galega co mar
-
O BNG reclama a modernización urxente da liña de largo métrico Ferrol-Ribadeo e a transferencia a Galicia
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
