Santiago de Compostela, 2 de abril de 2020. O conselleiro do Medio Rural, José González, mantivo esta mañá unha videoconferencia con representantes do sector forestal, onde lles adiantou que a Xunta vén de realizar unha consulta ao Goberno central para que clarifique se as actividades deste eido produtivo se consideran un servizo esencial, e polo tanto, poden seguir con normalidade durante a emerxencia sanitaria.
O conselleiro trasladou que, trala publicación do Real Decreto Lei 10/2020 publicado o domingo no Boletín Oficial del Estado, non quedou o suficientemente claro que o sector forestal poida seguir con normalidade a súa actividade, ao non quedar explícito que se trate dun servizo ou actividade esencial.
Diante desta situación, e ante as dúbidas recibidas do propio sector forestal, a Xunta fixo onte mesmo esta consulta aos ministerios de Transición Ecológica y el Reto Demográfico, de Sanidad e á propia Delegación do Goberno en Galicia, co fin de garantir a adecuada interpretación do corpo normativo ditado en relación co estado de alarma que foi decretado por razón da emerxencia sanitaria do Covid-19. Así mesmo, José González avanzou que cómpre deixar claro que traballos se poden realizar e de que maneira.
Durante a reunión -na que tamén estivo presente o director xeral de Planificación e Ordenación Forestal, José Luis Chan- o titular de Medio Rural escoitou as principais demandas dos representantes forestais e tomou nota das súas aportacións para facer, deste período excepcional, un lugar seguro de traballo e garantir a seguridade de todos os traballadores implicados.
Na xuntanza participou o director da Asociación Forestal de Galicia (Asforgal), Francisco Dans del Valle; o presidente da Asociación de Empresas de Servicios Forestais de Galicia (Serfoga), Alfonso Fernández; o presidente da Asociación Galega Monte Industria e da Fundación Arume, José Carballo e outro representante da asociación, Alejandro Oliveros; a secretaria xeral da Federación empresarial de Aserraderos y Rematantes de Madera de Galicia (Fearmaga), Ana Oróns; e o presidente da Asociación de empresarios da 1ª Transformación da Madeira de Lugo, Daniel Díaz.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
