Lugo, 2 de abril de 2020. A Vicepresidencia da Xunta e Consellería de Presidencia, Administracións Públicas e Xustiza, está a realizar un novo reparto de material e equipos de protección individual (EPIs) que chegará á totalidade dos concellos lucenses, isto é, aos 67 municipios da nosa provincia.
As achegas suman un total de 31.669 máscaras, 58.887 luvas, 2.424 traxes antisalpicaduras, 2.210 batas de protección, 391 unidades de xel desinfectante hidroalcohólico e 229 litros de lixivia.
Novo sistema de repartición que chega directamente aos concellos
O delegado territorial da Xunta en Lugo, José Manuel Balseiro, explicou que na distribución destes novos recursos –no reparto que tivo lugar no día de onte e que se desenvolve hoxe- se está a empregar a plataforma loxística posta en marcha esta semana polo que se entrega directamente aos propios concellos, o que evita a necesidade de desprazamentos.
O plan de apoio deseñado polo Goberno galego pon a disposición dos municipios lugueses os recursos que precisan para desenvolver con seguridade servizos municipais básicos como os de axuda no fogar, protección civil, servizos sociais ou policía local, entre outros e responde aos criterios de distribución pactados coa Fegamp.
A iniciativa da Xunta buscou cubrir inicialmente as necesidades dos concellos de menor tamaño, por entender que terían máis dificultades para obter este material por si mesmos, pero agora –aclarou Balseiro- “chegamos á totalidade dos municipios, incluída a capital e, nalgúns casos, recibiron xa varios repartos”.
Compromiso de distribución periódica
O delegado tamén indicou que a Xunta intentará seguir achegando parodicamente novo material mentres dure esta crise. “En todo caso, agardamos tamén, que cheguen canto antes as subministracións de EPIs comprometidas polo Goberno central en cantidade suficiente para atender todas as necesidades pois, ata o de agora, empregamos recursos propios da Xunta ou procedentes de doazóns”.
“A Xunta foi a única administración que achegou material aos concellos da nosa provincia, a pesar de que esta competencia está centralizada no Goberno central desde a aprobación do estado de alarma”- concluíu Balseiro.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
