Lugo, 30 de xullo, 2020. A Deputación Provincial de Lugo, a través da área de Muller e Igualdade, dirixida por María Loureiro, quere expresar a súa total repulsa e condena pola gravación e difusión en webs de contido pornográfico de vídeos captados con cámara oculta de mulleres nunha vía pública durante a festa da Maruxaina, en San Cibrao. Trátase dunha flagrante violación da intimidade das mulleres que sufriron esta conduta deplorable e dun brutal ataque á súa dignidade, ademais dunha mostra clara de machismo e desprezo á muller, un comportamento intolerable nunha sociedade democrática e nun Estado Social e de Dereito.
Como institución que respecta profundamente os dereitos e as liberdades, e cre e promove activamente a igualdade, a Deputación amosa así mesmo a súa solidariedade, consideración, afecto e o seu total apoio ás mulleres que están sufrindo este gravísimo ataque por quen segue a ter unha concepción patriarcal e patrimonial da muller, que consideran como unha propiedade súa que poden empregar como queren.
Así mesmo, confía na acción policial para esclarecer a autoría de tan vergoñenta e atroz actuación e que a xustiza faga recaer todo o peso da Lei sobre as persoas que a cometeron.
Dende a Deputación de Lugo seguiremos a impulsar e fomentar políticas de igualdade e de educación que contribúan a erradicar da nosa sociedade este tipo de actitudes, que, aínda cunha autoría concreta, son o síntoma dunha lacra social aínda arraigada contra a que hai que loitar con forza e dende a unidade de toda a sociedade e das administracións.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
