Mondoñedo, 6 de xullo do 2020. Tendo en conta as informacións dadas pola Xunta de Galicia na que anunciaba a reapertura dos Centros de Día a partir do 15 de xullo, o BNG de Mondoñedo pide explicacións e pregunta que autoridade deu o visto bo para que o Centro de Día da localidade mindoniense reabrira a as súas portas despois do día 1.
“Non sabemos a que se debeu este adianto.”
Segundo o BNG, a Xunta de Galiza anunciou o pasado 2 de xullo a autorización da reapertura dos Centros de Día públicos e privados a partir do 15 de xullo, sempre que conten cun protocolo específico de reactivación aprobado pola correspondente área sanitaria, por iso que os nacionalistas non entenden que o centro de Mondoñedo estivera aberto xa desde o pasado día 1.
Segundo o voceiro do BNG no concello, Eloi Cabanas, o Centro de Día volve a estar pechado desde o día hoxe pero a semana pasada houbo dependentes usuarios do centro que eran recollidos nas súas casas polo vehículo adaptado propiedade do concello pola mañá, comían no centro, e non volvían ao seu lugar de residencia ata a tarde.
“Oficialmente a Xunta só lle permite aos centros prestar atención terapéutica individual con cita previa así que entendemos que o servizo que se estivo dando estes tres primeiros días do mes en Mondoñedo excedeu do pautado”.
Eloi pregúntase tamén se o persoal encargado de dar o servizo no centro ten rematado os cursos de formación ofrecidos pola Xunta e se teñen os equipos de protección individual necesarios para que os traballadores e usuarios poidan contar coa máxima seguridade.
“O BNG xa leva días solicitando a apertura dos centros canto antes e que se faga con garantías pero parécenos moi chocante que mentres máis de 14.000 persoas usuarias de Centros de Día de toda Galiza seguían esperando para poder recibir atención, en Mondoñedo a Xunta permitise este servizo desde o día 1”.
Para o BNG, “a Xunta e o concello deberían dar explicacións para aclarar o que pasou coa reapertura anticipada do centro e se unha vez pasados estes cinco dias de restricións debido ao rebrote do COVID-19 na Mariña vai volver a abrir ”.
O Centro de Día San Rafael de Mondoñedo encóntrase situado nun edificio anexo á residencia de maiores, foi inaugurado en abril do ano 2017 e está xestionado pola ONG Edad Dorada Mensajeros de la Paz.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
