Viveiro, 25 de setembro de 2020. O pleno do Concello de Viveiro debatiu dúas mocións que o Partido Popular presentara en relación co edificio da Sociedade de Fabricantes, Conservas e Salazóns do Norte de Galicia, en Celeiro, e o Mosteiro de Valdeflores, en Xunqueira.
Na moción relativa ao edificio da Sociedade de Fabricantes, Conservas e Salazósn do Norte de Galicia, o PP propoñía “que o equipo de goberno faga as xestións necesarias para poder adquirir o local, mediante compra ou cesión, e rehabilitalo para uso e disfrute da veciñanza a través das asociacións deportivas ou culturais do pobo de Celeiro”.
“En caso de que a compra ou cesión non fose posible, que o equipo de goberno inste os seus propietarios á reparación e conservación ao menos da fachada para dar ao entorno a imaxe de pobo pintoresco que se merece”, engadía o texto.
Durante o debate desta moción, o goberno municipal explicou ao pleno da corporación que dende o Concello de Viveiro se levaba máis de un ano traballando neste tema.
Indicouse que consta que a titularidade deste inmoble corresponde a Unión de Fabricantes, da que non se coñece CIF, e que o Concello de Viveiro ten, a día de hoxe, dous procedementos abertos en relación con ese inmoble, un expediente de orde de execución de obras de conservación e outro de investigación de titularidade.
Con respecto ao expediente de orde de execución, explicáronse os trámites realizados e indicouse que, neste momento, está pendente da execución subsidiaria.
En canto ao expediente de investigación, no pleno da corporación explicáronse as xestións realizadas en aras a determinar a propiedade do inmoble, facendo referencia, entre outras cuestións, á existencia dun expediente de dominio sobre este inmoble tramitado no Xulgado de 1ª Instancia e Instrucción nº 1 de Viveiro e dando conta da documentacion recompilada ata o momento.
Finalmente, con respecto a cada un dos puntos do acordo proposto, explicouse que o concello xa está a realizar todos os trámites necesarios para a localización dos propietarios do ben inmoble, indicando que neste momento se están preparando solicitudes ás diversas institucións que poden ter coñecemento da súa titularidade.
Para a adquisición do local faise necesario o coñecemento dos titulares do mesmo, polo que non se pode tomar unha decisión clara en relación ao ben inmoble referenciado mentras non se teñan claros os titulares, tendo en conta que caben diferentes figuras xurídicas en relación co mesmo.
Tras esta exposición e tendo en conta, polo tanto, estes antecedentes, o equipo de goberno propuxo a retirada da moción, que foi votada e aprobada pola maioría simple dos membros da corporación.
Na moción relativa ao Convento de Valdeflores, o PP propoñía “que o equipo de goberno faga todas as xestións necesarias diante da orde propietaria para conquerir a cesión de dito mosteiro o antes posible, e así iniciar un proceso que poida culminar coa titularidade municipal dun dos tesouros máis importantes do noso concello”.
Durante o debate desta moción, explicouse que -igual que no caso anterior- o goberno municipal xa estivera realizando xestións con respecto á situación na que se atopa este inmoble.
Neste sentido, informouse ao pleno que o concello contactara coa Orde Dominica e explicouse que polo que se puido saber, a día de hoxe, parece que non hai intención de ceder o mosteiro e que, en todo caso, este asunto se atopa na Curia Generalicia de Roma. Esta moción foi aprobada por maioría absoluta dos membros da corporación.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
