Lugo, 27 de setembro de 2020. O Grupo Socialista na Deputación de Lugo defenderá o vindeiro martes, no Pleno da Corporación provincial, unha moción para demandar á Xunta que recoñeza o carácter oficial a ruta xacobea coñecida como Camiño do Mar e que sexa incluída na promoción do Xacobeo 2021.
A voceira do PSdeG na Deputación, Pilar García Porto, sinala que este novo itinerario converterase nun novo atractivo turístico da provincia, xa que discorre polas vilas lucenses de Ribadeo, Barreiros, Foz, Burela, Cervo, Xove, Viveiro e O Vicedo, e prosigue na provincia da Coruña, vía Mañón, Cariño, Ortigueira, Cedeira, Valdoviño e Narón ata Neda.
A Deputada lembra que o Grupo Provincial Socialista fixo esta mesma petición no ano 2011 co fin de integrar dun xeito oficial o Camiño do Mar no conxunto das rutas xacobeas do que histórica, social e culturalmente forma parte. “Pero xa sabemos que os asuntos da Xunta van amodo, os lucenses temos exemplos palmarios da inactividade do Goberno de Feijóo na nosa provincia, infraestruturas, sanidade, educación, todo pode esperar”, lamentou.
García Porto remarca que “hai unha década, o acordo unánime desta Deputación falaba de impulsar o Camiño do Mar e o Camiño de Inverno porque “a actividade turística xoga un papel determinante na dinamización económica”. Por iso, denuncia que “o Camiño do Mar segue sen ser recoñecido dun xeito oficial a pesares daquela iniciativa”.
Nesa liña, tamén puxo en valor “o traballo de divulgación levado a cabo por asociacións históricas, turísticas, de veciños ou de comerciantes, así como pola Asociación de Amigos do Camiño na Provincia de Lugo. A pesares das reclamacións efectuadas polos alcaldes da Mariña ó longo destes dez anos segue sen ter ese recoñecemento”.
Tamén lembrou que nas xornadas Abrindo as portas. O Rexurdir do turismo, organizadas pola propia Deputación, o Alcalde de Foz e presidente da Mancomunidade de Municipios da Mariña, Fran Cajoto, incidiu nesta idea, aínda máis urxente no momento actual. “Por que agora é oportuna esta iniciativa?, por mor do especial impacto da covid na Mariña. Unha comarca que precisa que se faga unha aposta de recuperación económica de tódolos sectores produtivos. Dun xeito especial, dun turismo moi golpeado polas limitacióna impostas pola crise sanitaria”, afirmou.
Existen enterramentos e documentos dos peregrinos na Mariña
Hai que lembrar tamén que do seu percorrido entre Ribadeo e Cedeira consérvase case a totalidade de establecementos hospitalarios de atención ós viaxeiros, como os hospitais de Ribadeo, San Martiño, Cervo, Celeiro ou Santiago de Viveiro. Ademais, existen enterramentos e documentos episcopais que deixan tamén testemuña histórica da pegada dos peregrinos na Mariña.
Por todo isto, García Porto pregúntase “por que a Xunta lle nega a esta comarca unha ferramenta de modernización e dinamización do turismo de pegada nacional e internacional”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
