A Mariña, 4 de novembro de 2020. A FCAM pon en marcha unha campaña de concienciación para que a cidadanía adiante os horarios das ceas nos restaurantes e tamén para que leve a comida para a casa. Deste xeito o comercio da Mariña pretende apoiar ao sector hostaleiro.
O presidente da FCAM, José Carlos Paleo, explica que “o que queremos desde o comercio é estar a carón da hostalería da nosa comarca nun momento que é especialmente complicado para todos. Dadas as circunstancias temos que mudar os nosos hábitos durante unha tempada, por iso apostamos por concienciar e concienciarnos da necesidade de adiantar un pouco o horario das ceas para poder disfrutar con tranquilidade das propostas gastronómicas da nosa hostalería e para volver á casa cedo, tal e como manda a normativa en vigor neste momento”.
E engade que “hai ademais establecementos de restauración na nosa comarca que contan con servizo a domicilio ou nos que podemos facer os encargos e acudir a recollelos. Pensamos que debemos continuar coas nosas vidas e que si nos apetece saír cear que o fagamos cambiando un pouco os horarios aos que estamos acostumados. E senón hai que lembrar que contamos coa opción de encargar a saborear esa exquisita gastronomía nas nosas cosas”.
A Federación de Comercio A Mariña tamén anima “a adiantar as compras de Nadal, a non deixar todo para última hora. Contamos cun comercio local importante en toda a comarca, que nos precisa máis que nunca. Podemos achegarnos ás tendas de confianza a mercar os nosos agasallos ou podemos empregar as plataformas de venta online coas que contan algunhas asociacións da Mariña ou algúns negocios a nivel particular. A golpe de click nesta comarca podemos atopar todo o que precisamos para este Nadal”.
José Carlos Paleo insiste en que “para que as nosas vilas sigan a ter vida todos temos que implicarnos e loitar polo que temos máis cerca. Unidos e apoiándonos uns aos outros conseguiremos que esta travesía sexa algo máis doada”.
Coa FCAM colaboran nesta campaña a Mancomunidade de Concellos de A Mariña Lucense, a Deputación de Lugo e a Xunta de Galicia.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
