Ribadeo, 23 de novembro de 2020. No pleno ordinario que se celebrará mañá, martes, no Concello de Ribadeo abordarase o expediente de renuncia da asignación que reciben os grupos municipais neste 2020. Esa partida destinarase á compra de alimentos para as familias con menos recursos. Tamén se aprobarán os festivos locais de 2021, que serán o 16 de agosto e o 8 de setembro e modificaranse as taxas da auga e do lixo, segundo adiantou esta mañá o alcalde, Fernando Suárez.
O rexedor explicou que “neste pleno ordinario se han tratar varios asuntos de interese. Habemos propoñer unha redución das tarifas da auga, significando que van baixar un 0´4 %, resultado do IPC interanual que neste caso é negativo, nesta porcentaxe. Trátase polo tanto de trasladar esta baixa ás tarifas para o vindeiro ano. Pola contra, o lixo debera subir un pouco, o 2´13%, resultado de que o ano pasado, a consecuencia dun acordo con Sogama, rebaixamos unha porcentaxe do 6% que correspondía a dúas anualidades xuntas. Agora, xa normalizada esta situación, cabe subir esta porcentaxe, tendo en conta tamén que confiamos que Sogama nos confirme que segue bonificando o prezo da tonelada de lixo que entregamos, tamén para este ano 2021, posto que de non facelo a suba das tarifas debería ser maior, dado que os custos do servizo de recollida de lixo deben sempre estar equilibrados coa taxa a cobrar”.
Suárez Barcia dixo que “tamén daremos conta neste pleno dos festivos locais para o vindeiro ano, significando que serán o 16 de agosto, Día de San Roque, e o 8 de setembro, Día da Patroa”.
O alcalde ribadense anunciou que “levaremos unha proposta de renuncia da asignación no ano 2020 aos grupos municipais, dado que estamos de cheo na crise sanitaria entendemos que é necesario adoptar medidas para incrementar a consignación nas partidas sociais, que son as que están facendo fronte aos efectos da pandemia. Xa en abril, o noso grupo, o grupo municipal do BNG, quixemos renunciar á asignación do primeiro semestre que temos para grupos, pero agora quixemos facelo do ano enteiro, e ademais queremos convidar ao resto de grupos a que fagan o mesmo e metelo na partida orzamentaria destinada a produtos alimenticios para as familias máis necesitadas”.
No pleno deste martes de Ribadeo someterase a aprobación a renuncia da asignación que reciben os grupos municipais para a compra de alimentos para as familias con menos recursos
Relacionado
-
A Xunta e a Confraría de Ribadeo analizan novas liñas de apoio para fortalecer a actividade pesqueira local
-
Feijóo alerta dun momento “destituyente” en España durante a súa visita á exposición dedicada ao expresidente Calvo-Sotelo en Ribadeo
-
A Xunta e o Concello de Alfoz analizan novas melloras en infraestruturas e servizos
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
