Foz, 23 de novembro de 2020. O Concello de Foz procedeu á adxudicación das obras de mellora de firme e seguridade vial nos accesos ao núcleo urbano da vila, por un importe próximo aos 95.000 euros.
O alcalde, Fran Cajoto, anunciou que “cun presuposto de proxecto de case 11.2000 euros, o Concello de Foz adxudicou por unha cantidade final de 95.000 euros, con cargo ao Plan Único 2020 da Deputación, as obras de mellora de firme e seguridade vial nos accesos ao núcleo urbano da vila. As dúas entradas de Foz, tanto por Vilaxoane como por Marzán, teñen un estado de conservación moi deficiente. É urxente actuar nelas, por seguridade de todos os usuarios, e é iso o que estamos a facer”.
O rexedor explica que “as obras comprenden o fresado de 552 metros e reposición do firme con 5 centímetros de aglomerado en quente nas rúas Avenida de Asturias, Rúa de Lugo, Rúa de Cervantes e Avenida de Viveiro. Tamén se vai arranxar, con 6 centímetros de aglomerado en quente D-12, a zona das curvas de Vilaxoane, que presentan un firme moi deteriorado”.
Fran Cajoto destaca que “o que se pretende é conseguir uns accesos cómodos e renovados. Unha das nosas prioridades é a seguridade vial e tamén imos actuar para reducir as velocidades dos vehículos nestas zonas. Así prevese a construción de tres pasos elevados de peóns: dous en Vilaxoane, no entorno do cruce coa estrada provincial LU-P-2001, e un terceiro en Marzán, na Avenida de Viveiro preto do cruce coa Rúa do Vicedo. Queremos que as obras queden ben e estaremos pendentes dos detalles”.
O alcalde engade que se vai dispoñer unha beirarrúa no entorno do cruceiro de Vilaxoane para facilitar o cruce dos peóns, así como unha serie de actuacións no vial de subida ao IES de Foz. “A rampla é moi pronunciada e o rego con gravilla non é o firme axeitado. Vaise dispoñer unha beirarrúa en toda a rampla de subida e renovarase o pavimento con aglomerado en quente de 6 centímetros de espesor. Tamén substituiremos o canal do inicio da rampla por unha rexa que cumpra correctamente as funcións de drenaxe”.
O concelleiro Carlos García afirma que estas obras “constitúen un pasiño máis na liña de actuación que o Concello está a desenvolver no marco da Axenda 2030, a cal avoga no seu obxectivo número 11 por conseguir que os núcleos urbanos sexan máis inclusivos, seguros e sostibles. Damos prioridade á realización de melloras en materia seguridade vial e a conquistar espazos para o peón que redunden no benestar de todas os nosos veciños”.
As obras complétanse co repintado de máis de 5.600 metros de liñas, 7 pasos de peóns e a disposición de 20 novas sinais verticais, de forma que as rúas queden debidamente sinalizadas.
O Concello de Foz adxudica o contrato de mellora de accesos e seguridade vial do núcleo urbano
Relacionado
-
A Xunta e a Confraría de Ribadeo analizan novas liñas de apoio para fortalecer a actividade pesqueira local
-
Feijóo alerta dun momento “destituyente” en España durante a súa visita á exposición dedicada ao expresidente Calvo-Sotelo en Ribadeo
-
A Xunta e o Concello de Alfoz analizan novas melloras en infraestruturas e servizos
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
