Mondoñedo, 14 de novembro de 2020. O pleno da corporación municipal de Mondoñedo aprobará o próximo mércores o orzamento municipal para 2021, por importe de 3.828.387,86 euros, unha cantidade superior ao do ano en curso. A comisión de Contas informou favorablemente o proxecto orzamentario na reunión que mantivo o pasado venres. O proxecto orzamentario recolle as propostas feitas ao Concello desde as distintas plataformas de participación cidadá.
Por políticas de gasto, o resumo do proxecto orzamentario é o seguinte: Seguridade e Mobilidade Cidadá, 239.006; Vivenda e Urbanismo, 141.344; Benestar Comunitario, 774.465; Medio Ambiente, 84.586 euros; Servizos Sociais e Promoción Social, 771.174; Fomento do Emprego, 45.906; Educación, 223.744 euros; Cultura, 489.941 euros; Deporte, 121.955; Industria e Enerxía, 8.000; Comercio, Turismo, Pequenas e Medianas Empresas, 70.500 euros; Infraestruturas, 285.428; Órganos de Goberno, 78.573 euros; Servizos de Carácter Xeral, 376.895; Administración Financeira e Tributaria, 112.065 euros; Transferencias a outras Administracións Públicas, 4.800 euros.
O goberno municipal presenta o proxecto orzamentario para a súa aprobación en tempo e forma, como o ben facendo o Concello desde que o PP asumiu a alcaldía. É unha manifestación máis, e das máis relevantes, da decisión do equipo de goberno de impulsar unha administración ordenada e eficiente.
O orzamento que se someterá a debate é, en palabras do goberno local, “prudente e realista”, no que non se inclúen aportacións non confirmadas doutras administracións, é dicir, non se inclúen proxectos que non estean plenamente confirmados.
Como se pode apreciar polos importes das distintas políticas, o proxecto orzamentario ten un moi marcado carácter social, de maneira que as dúas principais partidas son as de Benestar Comunitario e Servizos Sociais e Promoción Social.
Nas grandes contas de Mondoñedo para o próximo exercicio queda reflexado o traballo feito polo goberno municipal para captación de recursos doutras administracións.
Desde o punto de vista dos ingresos por impostos e taxas, queda clara a vontade do goberno local de facilitar a recuperación dos sectores máis afectados pola crise provocada pola pandemia como é o caso da hostalería. Así mantense a conxelación das taxas, por exemplo no caso das aplicables as terrazas. Neste orzamento desaparece o imposto de plusvalía. Hai, por tanto, dito con carácter xeral, unha baixada de impostos e taxas.
Un dato relevante neste proxecto orzamentario é que reflexa a aposta do Concello por todo o que ten que ver coa cultura e o turismo, como fonte de riqueza para o municipio.
Por outro lado e ao marxe do proxecto orzamentario, o goberno local destaca que a aportación que lle corresponda ao Concello dentro do Plan Único da Deputación destinarase á zona rural. Igualmente, pon de manifesto que a execución do plan de dinamización da Área Rexurbe mobilizará ao redor de catro millóns entre fondos públicos e privados.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
