Mondoñedo, 8 de xaneiro de 2021. O Grupo Socialista de Mondoñedo advirte que “o proxecto de renovación da Praza da Catedral non contribúe a mellorar a funcionalidade da praza, senón máis ben todo o contrario, reduce a visibilidade da súa fachada, rompe a harmonía arquitectónica e as novas pedras de cantería empobrecerían a praza”.
Os socialistas rexistraron un escrito no Concello de Mondoñedo no que analizan a súa postura con respecto a este proxecto. “Por unha banda coa ampliación do cantón vaise reducir a visibilidade e amplitude da praza, así como a funcionalidade da mesma, coa considerable redución do amplo espazo do que podemos desfrutar actualmente”, sinala a súa voceira Esperanza González.
Tal e como se sinala no proxecto, no que se refire a colocación de pedra nova que se require para mover a balaustrada, “entendemos que vai romper a harmonía da praza xa que son pedras completamente novas, ademais ese material será cortado con máquinas, como xa ocorre actualmente con diversas actuacións que se fixeron nesta mesma balaustrada. E tal como se pode comprobar aínda hoxe a praza se resinte desta actuación”.
No que atinxe á ampliación do cantón grande e da balaustrada. “Segundo os planos a praza pasaría de ter de 1.721,27 m2 actuais a 1.529,17 m2 co proxecto modificado. Reducir estes metros á praza da catedral, en ambos sentidos, afectaría sensiblemente á visión global da praza. E ao mesmo tempo mermaría a función da praza con menos espazo, quedando unha praza máis encaixada”.
Tamén queremos sinalar que “nos parecen positivas e necesarias, as obras de saneamento no trazado de rúa que existe entre Calenda (antiga libreria Alvite), que propón o Concello, xa que tal e como comprobamos é unha zona de pequenas inundacións cando hai fortes choivas, pola falla de canalizacións. Outra medida que valoramos positivamente é o peche á circulación, dentro da Praza, nos meses de verán xa que contribuiría a mellorar o entorno deste espazo”.
Uso dos novos espazos
Sobre os usos dos novos espazos coa proposta da ampliación hai que remarcar que “neste proxecto non queda claro quen vai ocupar os novos espazos que se crearán no entorno, por exemplo coa ampliación do cantón. Si este espazo vai ser para os peóns ou para colocar mesas?. Tampouco queda claro onde van colocar os taxis?”, advirten.
Concurso de ideas
Por último, “entendemos que un proxecto desta envergadura, nun entorno tan relevante como é a Praza da Catedral de Mondoñedo, Patrimonio da Humanidade, debería contar con máis propostas, a través dun concurso de ideas con profesionais especializados neste tipo de actuacións. Nesa liña queremos lembrar que o Concello de Mondoñedo conta tamén cunha oficina de Rehabilitación, polo tanto sería convinte escoitar a súa visión sobre este proxecto, e que proposta ofrecería sobre esta rehabilitación”.
Afectados non coñecen o proxecto
O Grupo Socialista de Mondoñedo contrastou este proxecto con arquitectos da nosa Comunidade, que non aconsellan esta intervención. Ademais tamén mantivemos contactos con propietarios das vivendas da afectadas por estas obras situadas na Praza da Catedral, que din descoñecer o proxecto.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
