Non é a primeira vez que as queixas referidas ao tráfico rodado na rúa Amando Pérez aparecen na prensa local. Teño que recoñecer que, baixo a perplexidade que me ocasionou o último feito acontecido nesta rúa, unha vez rexistrado o informe no Concello, entendo que non debe quedar so aí, no caixón, senón que procede facelo público. Quizais así, alguén se sensibilice co tema.
Dos problemas que de cotío padecemos os veciños -moitos deles maiores e outros con familiares dependentes-, referidos as altas velocidades ás que baixan os vehículos por riba da beirarrúa e aos aparcamentos ilegais na rúa Amando Pérez, o Sr. Alcalde é un bo coñecedor (existen xa dous escritos rexistrados no Concello rogando algunha solución: un do 30 xullo de 2019 e outro do 24 agosto de 2020). Pasa o tempo e ditos problemas, en troques de solucionarse, parecen ir a máis cada día.
A continuación opto por entrecomillar un fragmento do texto que lle remitin ao Alcalde pois, deste modo, evito posibles modificacións involuntarias do mesmo:
“O que resulta de verdade inaceptable é que, a pasada semana, ao único vehículo que estaba ben aparcado na rúa e que respectaba o que prega no cartel pegado na porta da vivenda n.º 26, – NO APARQUEN EN LA ACERA. ¡POR FAVOR!!!- lle deixen no parabrisas unha nota escrita a man que di exactamente: EL CAMIÓN DE LA BASURA TIENE QUE PASAR, O PASA POR ENCIMA. Hai fotos do vehículo ben aparcado coa nota. Consérvase a nota mesma.
Invitámolo a que comprobe a veracidade destes feitos interrogando ao condutor do camión do lixo e ao persoal que o acompañaba, indicándolles que as queixas teñen que presentalas no Concello, a vostede mesmo, ou ben chamando á Policía Municipal –competencia da alcaldía- para que, conxuntamente, ambas áreas, procedan dunha vez a tomarse moi en serio a seguridade dos veciños e das persoas que utilizan esta rúa.
Cremos que é responsabilidade prioritaria dun Alcalde velar pola seguridade dos peóns e poñer todos os medios para que a Policía Municipal non permita aparcar os coches enriba das beirarrúas”.
A recente aprobación dun R.D. redefine os límites xerais de velocidade en vías urbanas (Artículo 50) en función da súa clasificación:
Nas vías que dispoñan dunha plataforma única de calzada e beirarrúa para vehículos e peóns, e dicir, que compartan calzada e beirarrúa ao mesmo nivel, o límite pasará a ser de 20 Kms/h.
-Nas vías dun único carril por sentido de circulación, o límite será de 30 Kms/h.
-Nas vías de dous ou máis carrís por sentido de circulación, 50 Kms/h.
A DXT fixou o mes de maio para a súa entrada en vigor, coa finalidade de que os concellos vaian adaptando os seus espazos e a sinalización que corresponda ás novas normas. Aínda así, xa son varias as alcaldías que se veñen adiantando á súa implantación. Sería unha boa noticia que a do Concello de Ribadeo figurara entre elas para que os condutores se vaian facendo aos novos límites. Do contrario, haberá que esperar a maio. E xa veremos…
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
