Viveiro, 28 de marzo, 2021. Por segundo ano consecutivo, a Semana Santa non se poderá celebrar como en anos anteriores, por ese motivo ponse en marcha unha iniciativa que nos lembre o importante que é para o comercio e a hostalería esa semana do ano. Tamén para render homenaxe aos centos de persoas que ano tras ano traballan desinteresadamente na organización da mesma.
En colaboración coa Xunta de Confrarías, colocouse nos escaparates dos comercios distinto material cedido por todas as Confrarías e Irmandades, que nos fará vivir a Semana Santa na rúa, pero vista doutro xeito.
Son numerosos os comercios que se uniron á iniciativa, cedendo desde escaparates completos, a balcóns, e mesmo a hostalería colgando carteis e cadros con fotos da Semana Santa de anos anteriores.
Serán un total de 42 negocios os que lucirán, dun modo ou outro, o fermoso patrimonio da nosa Semana Santa.
Nos escaparates completos loce unha parte do valioso patrimonio cedido polas distintas confrarías, Venerable Orde Terceira Franciscana (Viajes Eroski, Futures e antiguo local de deportes Cota) Cofradía de Nuestra Sra. Del Santísimo Rosario (Nácar e Administración de Loterías nº1), Cofradía del Santísimo Cristo de la Piedad (Carlos Fotógrafos e Casa Chao), Hermandad del Prendimiento (Farmacia Sara Varela e África Copias), Hermandad de las Siete Palabras (Kerale Moda e Fontana), Hermandad de Mujeres de la Santa Cruz (Cocolatte e Peluquería Raquel González), Cofradía O Nazareno dos de Fora (Farmacia Dolores Casariego), e Cofradía de la Misericordia (Librería Santiago e Lencería Canela), e unha representación de todas as Confrarías e Irmandades da Semana Santa de Viveiro no escaparate de Tecidos Rogelio.
No resto de escaparates locen mostras dos hábitos das distintas Confrarías e Irmandades e nos balcóns mostras dos reposteiros que ano tras ano engalanan as rúas de Viveiro na Semana da Paixón.
Desde o CCHV convidamos a vivarienses e visitantes da Comunidade galega (que é o permitido no nivel de restricións nas que nos atopamos) a percorrer as rúas de Viveiro e gozar do valioso patrimonio que adorna estes días os nosos escaparates e as nosas rúas e que nos farán vivir o sentir dun pobo dunha maneira distinta.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
