Ribadeo, 16 de marzo de 2021. Apaga presenta nova oferta formativa e no mes de abril vai impartir un curso de interpretación de planos no sector naval. Poderán asistir quince persoas e o prazo de presentación de solicitudes remata o 29 de marzo. Desde a organización sinalan que “unha vez superado o curso os asistentes poderán optar a postos de traballo que ofrecen as empresas navais tanto en Asturias como en Galicia”.
O presidente de Apaga, Álvaro Doural, declarou que “desde principio de ano estivemos traballando, dada a situación da pandemia e de determinados sectores, e consideramos que desde a nosa asociación tamén podíamos aportar algo e xerar algunha actividade de formación que puidera paliar en gran medida esta situación que se está dando. Pensouse en traballar en tres liñas de actuación. Unha sería o sector naval, outra a de comerciantes e pequenas empresas e despois outro tipo de accións que complementaran abrir novos campos de empregabilidade”.
Doural anunciou que “neste momento empezamos coa presentación dun curso demandado polo sector naval. É de interpretación de planos no sector naval e a súa duración será de trinta horas. Hai unha limitación de prazas a quince candidatos. Vai ser impartido por un técnico de acreditado prestixio neste tipo de construcións. O prazo de solicitudes vai estar aberto ata o 29 de marzo. Como sempre hai un correo electrónico para contactar con nós que é apagaribadeo@gmail.com e os números de teléfono 639 88 49 45 e 629 096 711. Ademais na nosa páxina web, www.apaga.es, en solicitude de cursos, hai un formulario que se cubre e desde aí pódese enviar”.
O presidente da Asociación de Profesores de Automoción de Galicia subliñou que “este é o comezo deste tipo de accións que van dirixidas ao sector naval. Neste momento o sector ten unha puxanza importante na zona, pero con esta iniciativa ven reforzar e cubrir un pouco as necesidades de formación que ten. Consideramos que era a nosa obrigación, como asociación sen ánimo de lucro, reforzar este tipo de sectores que están en puxanza, aos que a pandemia non lles afectou moito e aí están”.
E adiantou que “máis adiante imos sacar un curso para os comerciantes da Mariña e despois outro que vai ser de drons”.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
