A Fonsagrada, 11 de marzo de 2021. Finalmente confirmáronse as sospeitas dos populares de A Fonsagrada respecto da praza da bibliotecaria, de tal xeito que o alcalde mentiu ao afirmar que este posto, que quedou vacante por mor dunha baixa maternal, se ía cubrir con carácter inmediato e a tempo completo.
Concretamente, tal e como se pode comprobar no perfil de Facebook do propio Concello, é a traballadora de turismo a que está a prestar esta función, de la xeito que, pola mañá, atende esta oficina na que está contratada e, pola tarde, a Biblioteca municipal.
“Isto é o que nos temíamos porque xa o fixo con anterioridade. Non existe ningunha vontade por parte do goberno local de seguir mantendo este servizo tan demandado na Fonsagrada. A Biblioteca é un lugar moi visitado polos veciños e, de forma moi especial, polos rapaces máis pequenos que incluso precisan reforzo escolar e que acodían a ela para recibir este servizo”. “Queda claro, sinala, que o alcalde mentiu descaradamente”, remarca Regueiro.
Diante esta situación, José Regueiro afea ao rexedor socialista, que hoxe participou xunto a outros alcaldes do seu partido, no acto da Deputación para presentar unha nova iniciativa turística, que “mal xestione” deste xeito as dúas dependencias municipais
“Todo o que se faga por promocionar o municipio valorámolo positivamente, pero tamén sería moi positivo e incluso sería o razoable non ter á traballadora da oficina de Turismo traballando nos dous sitios. Promocionar o noso concello tamén pasa por dotarnos de servizos e non de quitalos”, destaca o voceiro do PP.
Sen axudas concretas da Deputación
A este respecto, Regueiro bota en falla que a iniciativa presentada polo organismo provincial non conleve axudas económicas para o sector da hostalería e os autónomos que están a ver moi mermados os seus ingresos e incluso periga a súa continuidade por mor da pandemia sanitaria. “A páxina web que presentaron parécenos un bo escaparate pero o sector tamén precisa inxección económica para recuperar o perdido. Pensabamos que, desta volta, o presidente si sería sensible ás necesidades da hostalería pero, xa vimos que non é así. Lamentamos, profundamente, esta falta de axudas da Deputación”, conclúe.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
