Lugo, 12 de marzo de 2021. O grupo provincial do PP de Lugo ve confirmadas as sospeitas que expuxo no pasado mes de decembro en relación coa contratación da socialista Sonia Verdes como funcionaria interina (veterinaria). O portavoz popular, Javier Castiñeira, constata que “a ex deputada socialista e compañeira no seu día de José Tomé no Parlamento galego xa é funcionaria interina na Deputación de Lugo; revisando decretos da presidencia do organismo provincial vemos confirmadas as sospeitas que o Partido Popular avanzou no mes de decembro sobre a bolsa de veterinarios vinculada a cargos socialistas”.
Castiñeira explica: “Naquel momento denunciabamos como moi sospeitoso, e sobre todo de mal gusto, que os dous primeiros da lista foran os ex cargos socialistas Sonia Verdes e José Daniel Piñeiro, unha ex compañeira de Tomé no Parlamento galego e o outro ex concelleiro de Medio Ambiente de Lugo. Mediante decreto do 8 de xaneiro, o presidente nomea a Sonia Verdes como persoal funcionaria interina por acumulación de tarefas, o que entende o PP que é o inicio dun proceso de acumulación de contratos”.
Para os populares, “coa bolsa de veterinarios que sacou o goberno provincial, en plena pandemia e na que estivo no tribunal un cargo socialista, vai permitir moi probablemente que estes dous membros do PSOE inicien a súa vida laboral como traballadores da Deputación”. Castiñeira engade: “Entendemos que este nomeamento é un absoluto insulto á decencia da institución e á intelixencia dos lucenses, máis aínda despois de ver as denuncias do sindicatos policiais de posible fraude no proceso selectivo de Monforte, para prazas de Policía Local, que tamén salpica ao sr Tomé”.
No PP consideran que “as sospeitas de prácticas caciquís de Tomé á hora de contratar amigos nas institucións que goberna din moi pouco do seu pasado sindical, cando daquela velaba polos procesos selectivos transparentes e abertos, nada parecido ao que estamos a ver estes días”.
Castiñeira declara: “Lamentamos a actitude dos socialistas e máis concretamente do señor Tomé que na súa condición de xefe de persoal parece primar máis os intereses políticos fronte aos propios méritos de traballadores e aspirantes”.
Castiñeira pregúntase “canto tardará o señor Piñeiro, en recibir o premio do PSOE, a modo de posto interino na Deputación, por retirarse da vida política despois do escándalo da fábrica da luz?”. Cre que “esa pregunta só a pode responder o señor Tomé, presidente socialista da Deputación de Lugo”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
