Lugo 19 de marzo de 2021. A vicepresidenta da Deputación de Lugo, Maite Ferreiro, visitou o Museo Comarcal da Fonsagrada, tras as melloras realizadas nas instalacións co financiamento da área de Cultura.
As actuacións centráronse na renovación das contras e na apertura da caixa de ascensor do edificio, situado na Praza do Concello. As antigas contras de madeira sustituíronse por outras de aceiro corten, un material que, no seu aspecto, evoca o mundo e os oficios do ferro, moi ligados á comarca.
A reforma, que supuxo un investimento de 20.000 euros, mellora a estética do inmoble e tamén a súa seguridade xa que, de avanzar o deterioro da madeira, poderían supoñer un risco de desprendemento.
A vicepresidenta explicou que “se trata dunha actuación que nos demandaron desde o Padroado do Museo e coa que nos comprometemos para facilitar e apoiar a continuidade do traballo de estudo e conservación do patrimonio que veñen desenvolvendo desde hai xa catro décadas”.
Maite Ferreiro subliñou a singularidade do Museo “que contou sempre cun gran apoio e implicación por parte da veciñanza, que cedeu boa parte das pezas e obxectos que se mostran no centro”
O director do Museo, Juanjo Molina, avanzou “que están a traballar en dous novos proxectos para a reapertura tras varios meses de peche polas obras e as restricións derivadas da Covid-19, unha exposición sobre o Camiño de Santiago e outra coa obra do pintor e actor Amador Arias”, que agardan poder amosar “no verán”.
Museo Comarcal da Fonsagrada
O Museo da Fonsagrada creouse no ano 1984 da man dun grupo de persoas da comarca con inquedanzas culturais. A súa primeira ubicación foi o o antigo teleclube municipal, que deixaron no 1999 para transladarse ao edificio actual, na Praza de Concello, con máis espazo para albergar as pezas que ía cedendo a veciñanza para conservar a memoria das formas de vida e traballo tradicionais.
A sala de exposición amosa así apeiros de labranza, obxectos relacionados cos oficios tradicionais, con especial atención ao mundo do ferro ou da lousa, e mostras da arquitectura popular da zona. Ademais, conta cunha colección de arte contemporánea de inspiración no mundo, con obras de artistas como Manolo Paz ou Paco Pestana.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
