Ribadeo, 15 de marzo de 2021. O Concello de Ribadeo está a realizar traballos de reparación no paseo das Aceas, onde se produciron uns desprendementos. O concelleiro de Medio Ambiente, Jorge Díaz, dixo que, tras conseguir os permisos pertinentes, se está a actuar nesa zona repoñendo a varanda de madeira que se viu afectada. Díaz Freije agarda que esta semana quede lista a actuación.
O edil explicou que “fai uns días que se produciron uns desprendementos no entorno das Aceas, no paseo que vai ao Muíño de mareas. Despois de solicitar os permisos pertinentes, estase a restituír a vaia ou aproveitando nalgún treito. Houbo partes que se aproveitaron e outras que se restituíron”.
Jorge Díaz manifestou que “a varanda xa está posta, pero estamos a traballar no ancho do paseo, para darlle un pouquiño máis de amplitude. Esta tarde procederemos a seguir con eses traballos e durante estes días creo que vai quedar xa todo como estaba”.
Po outra banda, a Concellaría de Medio Ambiente está remantando os traballos de poda no entorno da praia e do paseo dos Bloques co obxectivo de evitar posibles derrubes. As tarefas realízanse con recursos propios.
O concelleiro de Medio Ambiente, Jorge Díaz, lembrou que “en xaneiro desde a Área de Medio Ambiente empezamos unha poda exhaustiva de restos vexetais, tanto secos como árbores perigosas, no entorno da praia dos Bloques, tanto no areal como no paseo, pola perigosidade de posibles derrubes, porque xa o ano pasado tivemos un desprendemento aí detrás dunhas casas. Para que isto non volva suceder recomendáronnos que fixéramos unha poda o máis exhaustiva posible e niso levamos traballando estes dous meses, cando as condicións climatolóxicas así nolo permitiron”.
O edil ribadense engadiu que “a vindeira semana agardamos que todas esas tarefas rematen e que esa zona dos Bloques quede o máis segura e o máis limpa posible. Ademais gañouse en visibilidade, porque desde as beirarrúas da Vilavella se pode apreciar, sen arbustos e sen maleza, a beleza da ría e dese areal co que contamos na vila de Ribadeo”.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
