Burela, 21 de marzo, 2021. As Guerreiras puxeron o broche ao maratón de Vista Alegre desta fin de semna reecontrándose co triunfo fronte a Móstoles FSF (6-0), tras o empate con Alcorcón FSF (3-3) e a gran sorpresa de Primeira Masculina fronte ao líder, Levante VDE FS (3-1). O Pescados Rubén Burela ofreceu unha grande imaxe nunha cita moi completa, con intensidade, presión, dominio e sobre todo acerto goleador fronte a un equipo que vai pelexar polo título.
Abriron as mariñás o luminoso no 5, cun disparo de Cami ao segundo pau, que meteu Sara Santos en propia despois da pugna con Lara Balseiro. Sen tregua, o Pescados Rubén ampliou a renda no 8 como minuto de ouro; tras o 2-0 de M. Cortés en lanzamento cruzado, Jane volveu ver a rede en contragolpe. Elena Aragón a punto estivo ver o cuarto con 15 segundos para o ecuador do primeiro acto, cun pase ao segundo pau que se paseou moi preto da liña de meta. Ale de Paz interveu, moi oportuna, para cortar a Benete á contra, no 13, nos mellores momentos de Móstoles. A de Neda volveu tela pouco despois, a pase de Jane, con Silvia novamente como protagonista. Non puideron aproveitar as de Julio Delgado o dobre penalti de Peque, no 18, e Jozi estivo perfecta para manter a distancia de 3-0, ante Celia e Inma; xa gañara antes o man a man ante Benete.
Volveu a avalancha laranxa. Tras as as tentativas de Ale de Paz e Dany, Peque rubricou o 4-0, aproveitando o rexeite de Leti (minuto 23). O brillo da capitá volveu facer acto de presenza tan só dous minutos despois rozando o quinto nunha picada. Desencadeando no ecuador chegou o traballo para Jozi baixo paus. A hispano-brasileira gañou a serie de rexeites ante Desi Godoy; o pau freou a Patri Chamorro e de novo a meta local fíxose grande por partida dobre ante Benete. Traballou o Pescados Rubén Burela merecendo o quinto, que chegou no minuto 33, con Ale de Paz, nunha asistencia de Lara. Móstoles topouse unha e outra vez con Jozi como verdugo, que tamén fixo cachizas as intencións visitantes no dobre penalti de Patri Chamorro na recta final. Peque selou o definitivo 6-0 a falta de 39 segundos para a bucina, apoiada en Jane á contra.
Segunda fase, inicio o sábado 27
Á espera da resolución da RFEF polo partido aprazado con Majadahonda, as Guerreiras xa se poñerán a mans á obra para preparar o inicio da segunda fase, liderando o Grupo B, no que tamén se clasifican Torreblanca Melilla, AD Alcorcón FSF e Móstoles. No Grupo A, pelexarán polo play off Futsi Atlético Navalcarnero (44), Roldán (37), Poio Pescamar FSF (35) e Ourense Envialia (26).
Ficha técnica
Pescados Rubén Burela FS: Jozi Oliveira, Dany, Peque, Ale de Paz, M. Cortés, cinco inicial; tamén xogaron Cami, Lara Balseiro, Jane, Bea Mateos, Elena Aragón, Luísa Mayara
Móstoles FSF: Silvia Milla, Patri Chamorro, Celia, Ina, Benete, cinco inicial; tamén xogaron Shiori, Sara Santos, Desi Godoy, Ari
Goles: 1-0, minuto 5, Sara Santos ( p. p); 2-0, minuto 8, M. Cortés; 3-0, minuto 8, Jane; 4-0, minuto 23, Peque; 5-0, minuto 33, Ale de Paz; 6-0, minuto 40
Árbitros: Rodríguez Rendal // Muñoz García (Asturias). Por Burela amarela para Lara Balseiro (minuto 34). Por Móstoles amarela para Sara Santos (minuto 24)
Incidencias: Partido correspondente á xornada 12 de Primeira División Feminina disputado en Vista Alegre de Burela.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
