Guntín, 16 de abril de 2021. Os alcaldes dos Concellos de Guntín, Portomarín, Taboada, Chantada, Monterroso, Carballedo e Antas de Ulla, María José Gómez, Juan Serrano, Ramiro Moure, Manuel Varela, Rocío Seijas, Julio Yebra e Javier Varela, respectivamente; acompañados da presidenta provincial, Elena Candia; e do senadores por Lugo, José Manuel Barreiro, Rosa Arza e o propio rexedor chantadino, así como da deputada autonómica, Raquel Arias; trasladan o seu apoio “rotundo” ás demandas dos veciños respecto do estado no que se atopa a N-540, que comunica Lugo con Ourense, e que xa chegaron tamén ao Defensor do Pobo de España.
Os populares, tal e como anunciaron no treito que atravesa o núcleo urbano guntinense, plantexarán o seu arranxo inmediato na Cámara Alta e no Parlamento de Galicia, a través de varias iniciativas que xa rexistraron con este fin. José Manuel Barreiro indicaba a pé de rúa que “o ministerio de Transportes non pode permanecer alleo á odisea á que se enfronta os centos de usuarios que cada día empregan esta estrada, chegando incluso a poñer en risco a súa seguridade polo mal estado que presenta”.
Esta vía, de titularidade estatal, ten no seu trazado numerosas fochancas, liñas desdebuxadas e un firme practicamente intransitable. Os populares urxen así á súa mellora porque “é a única opción dispoñible para ir dende Lugo a Ourense, xa que non existe autovía que comunique estas dúas cidades”, lembrou o senador lucense.
1 accidente cada 3 días
O risco da Nacional é tal que, dende o ano 2018, vense rexistrando un accidente de tráfico cada tres días. En total, máis de 430 sinistros producidos, en gran parte, polo seu mal firme. É, por este motivo, polo que dende o PP fan esta reclamación.
“En ocasións teñen que realizar manobras perigosas para evitar pinchazos ou que un cristal do seu vehículo rompa a causa da grava solta, chegando incluso a invadir o carril contrario. As posibilidades de accidente son elevadísimas”, insistiu a alcaldesa de Guntín.
“O PSOE de Lugo só se dedica a protexer a Sánchez”
Elena Candia, como máxima dirixente dos populares na provincia e deputada na Cámara do Hórreo, agarda “unha resposta áxil do Goberno”, xa que, sinala, “todos lembramos como cando gobernaba o PP en Madrid varios socialistas se concentraron nesta estrada para esixir responsabilidades e, agora, unha vez que chegaron á Moncloa, desas demandas nada de nada. Só se dedican a protexer a Sánchez”, lamenta.
“O certo é, subraia, que foi o Partido Popular o que prevía o investimento de 20 millóns de euros para esta nacional que soporta moito tráfico debido tamén aos vehículos pesados de cooperativas tan importantes como Aira ou Coren ou de empresas como ViniGalicia que, por mor da súa produción, o tráfico de camións é constante e diario”.
20 millóns do PP, 0 do PSOE
Estes 20 millóns que prevía o Executivo do PP desglosábanse do seguinte xeito: 6,6 para mellorar tres treitos, 6 para a conservación, 2 para seguridade viaria, 1,5 para bacheo de emerxencia e 4 millóns dos orzamentos de 2018. Ademais, incluíanse 2,5 millóns para o intercambiador da A-54 con esta nacional, en Guntín, pero que o Goberno de Sánchez eliminou das contas estatais, tal e como xa denunciaron os populares en diversas ocasións. A última foi nas emendas aos Orzamentos de 2021. Os deputados e senadores do PP pedían que se respectase esta partida consignada por Mariano Rajoy, pero os socialistas e Podemos votaron en contra.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
