Santiago de Compostela, 7 de Abril, 2021. Os deputados do BNG, María Albert e Xosé Luís Rivas alertaron do “efecto chamada” tras o anuncio da moratoria que está a preparar a Xunta de Galiza sobre o eucalipto.
Albert afirmou que a Xunta non conta cun modelo para o rural galego máis alá das directrices que marcan as propias empresas e resígnase a un liderado marcado dende as cidades.
Para a parlamentaria, a consellería de Medio Rural reacciona a “golpes de efecto de prensa” pero sen medidas con incidencia real. Este anuncio de moratoria, dixo, implica “inseguridade xurídica” sobre a xestión das masas forestais por parte dos propietarios e propietarias ao que sumou propiedades de terra forestal. Esta inseguridade provocou “un efecto chamada” e a axilización de plantación de eucalipto ante a nova norma que prohibirá a plantación nas súas parcelas.
Ademais, a nacionalista cualificou o anuncio de “manobra de distracción”, para desviar a redución do eucalipto recollida no Plan forestal pero, na súa opinión cumpre unha dobre función. Por unha banda, tenta calmar aos sectores máis concienciados ecoloxicamente preocupados pola expansión sen control desta especie e a idea de paralizar as plantación crea “unha urxencia” para plantar novas superficies.
Dende o BNG alertamos dende hai tempo das plantacións ilegais en parcelas de frondosas, espazos naturais protexidos e zonas agrarias sen detectar “ningún control dende a administración” pública”. Neste sentido, afeou que “ningún responsable político da consellería de Medio Rural aparecerá publicamente para anunciar medidas ao respecto”. Para a deputada, o proceder de Medio Rural constata unha “certa conivencia” da consellaría coas plantacións ilegais. Non están anunciando unha moratoria, sentenciou, o que están conseguindo en un novo “boom” de plantacións de eucalipto para resituarse en Galiza antes da aprobación da devandita moratoria xa anunciada como cebo no debate do Plan forestal. Albert reiterou que non se está a producir unha limitación das superficies de eucalipto é “unha ampliación das mesmas”.
Pola súa parte, Xosé Luís Rivas (Mini) afirmou que o eucalipto ten o seu papel pero non debe ser “o único” factor de desenvolvemento para o rural. O deputado recalcou a necesidade de apostar polo carácter multifuncional e diverso do monte máis alá das plantacións de eucalipto.
En Galiza xa non hai plantas de eucaliptos para plantar
Rivas considerou que o Plan Forestal debe contar cun inventario que polo momento, “está no aire”, sen embargo, explicou, Medio Rural utilizou como escusa a falta dese inventario e buscar o consenso do sector para finalmente anunciar a moratoria con carácter transitorio até o 31 de decembro do 2025. Ao día seguinte de plantexar esta oferta á oposición foi difundido “a bombo e platillo” un anuncio en todos os medios de comunicación. Foi “un engano” e a moratoria converte a Galiza nun frenesí de corta de piñeiros e eucaliptos para volver a replantar ante o medo a non poder facelo.
Mini afirmou que detrás da operación da moratoria do eucalipto está a pasteira “ENCE” que continua presionando cara un modelo de forestación que dende o BNG, afirmou consideramos contrario aos intereses do país.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
