Santiago, 15 de abril de 2021. O Parlamento de Galicia aprobou hoxe, logo dunha transacción entre o Grupo Popular e o PSdeG, unha proposición non de lei a través da que se solicita ao Goberno central que continúe coas melloras iniciadas no ferrocarril Ferrol-Xixón, contemplando actuacións nos seguintes ámbitos: limpeza, roza e mellora da liña; mantemento e mellora das estacións; estudio de posibles novas estacións e apeadoiros en función da demanda; mellora progresiva do material rodado; e revisión das frecuencias actuais conforme á recuperación da demanda. Así mesmo, demándase o establecemento de procedementos claros de actuación no caso de que se produza calquera tipo de incidencias nos que primen a calidade do servicio e o confort do usuarios.
O deputado popular José Manuel Balseiro lamentou que o acordo final non incorporara todas as demandas formuladas a través dunha emenda do Grupo Popular, “pois as peticións do PSOE eran moi pouco ambiciosas e minimalistas”. Con todo, “decidimos votar a favor, incorporando un punto da nosa emenda, para facer posible o acordo, na esperanza de que non quede en mera propaganda e o Goberno central teñan vontade real de mellorar os servizos”.
En concreto, os deputados do PSdeG non quixeron incorporar as peticións do PPdeG para incrementar o persoal, especialmente maquinistas; ou para a inmediata ampliación de horarios e frecuencias, empezando pola reposición dos servizos eliminados ao amparo da pandemia sanitaria, en aras de recuperar e incrementar a demanda dos usuarios.
RESPONSABLES DO DESMANTELAMENTO
José Manuel Balseiro criticou que “desde que goberna o PSOE en España o ferrocarril FEVE non incorporou ningunha mellora”. “Son responsables do desmantelamento da liña de vía estreita que une Oviedo con Ferrol, xa que eliminaron servizos, frecuencias, horarios e ata a venda presencial de billetes”, apuntou.
Deste xeito, Balseiro lamentou que “o que pretenden os socialistas galegos con esta iniciativa é gardarlle as costas ao Goberno de Pedro Sánchez ante o abandono amosado coa liña Ferrol-Xixón e con todo o ferrocarril galego”, polo que demandou que “o servizo sexa acorde ás necesidades reais dos usuarios e os trens que circulen por esta liña sexan dignos e acordes ao século XXI, e que non sexan obxecto de continuas avarías que obrigan a suspender o servizo”.
“Hai que ter moi presente que nestes momentos hai un único servizo de ida e volta, polo que esta mínima oferta dificulta e condiciona a mobilidade dos veciños e usuarios do tren das comarcas de Ferrolterra, Ortegal e A Mariña lucense”, concretou. Por este motivo, apuntou que “non nos cansaremos de trasladar ao Goberno central que mellorar a mobilidade ferroviaria en Galicia é unha prioridade”.
Fronte a esta situación do transporte ferroviario, José Manuel Balseiro destacou a actuación da Xunta, “que mellorou moito o transporte en autocar con máis frecuencias, bonificacións e incluso facendo descontos aos viaxeiros que fan transbordo procedentes do antigo FEVE”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
