Burela, 27 de maio, 2021. O Pescados Rubén Burela FS encomendarase a Vista Alegre para decidir o seu futuro tras o empate ante Besoccer CD UMA Antequera (4-4). O xogo de cinco conseguiu suplir esta tarde o infortunio na finalización para os mariñáns remontando o 4-1, con outro punto de ouro neste maratón para chegar ao domingo, ao final de liga, con opcións de eludir a fase de play out, marcada na 15ª posición.
Xornada unificada, 18.00 horas, Palma Futsal
Con 37 puntos e empatados con Córdoba, os laranxas defenderán a súa actual 14ª praza, libre de perigo, na xornada unificada fronte a Palma Futsal (18.00 horas); os cordobeses visitarán a pista do Jaén.
Fronte á posesión galega, os andaluces puxeron a eficacia á contra, cun minuto de ouro rozando o ecuador da primeira parte e dobrete de Cobarro. Tentouno Matamoros en varias ocasións, Quintela non puido aproveitar as súas chegadas na área andaluza pero aí estaba Renato no 17 para culminar en xogada ensaiada de banda a banda. Antequera volveu poñer perigo en transición. No 19, volveu ampliar a vantaxe nun pase longo do ex dos laranxas Ramón Vargas que tocou lixeiramente de novo Cobarro.
Renato, de lonxe, e Quintela, a balón parado, avisaron no regreso ao escenario andaluz fronte a un Cone moi oportuno. Buscaron con empeño a rede malagueña os de Sito Rivera cun goteo incesante. Cando máis o merecía o Pescados Rubén, Antequera atopou o cuarto cun recorte pola banda de David para cederlla a Joaki, nun man a man co de Narón. Respondeu o conxunto galego con xogo de cinco; puido recortar rapidamente con Quintela (minuto 32). Non cesou de perseguir a remontada a escuadra burelista con porteiro xogador cun asedio sen tregua e así Matamoros, con pouco máis dun minuto por diante, e Iago Míguez, a falta de 58 segundos, conseguiron a igualada cuns últimos compases de vertixe. O quinto acariñouse.
Ficha técnica
Besoccer CD UMA Antequera: Cone, Alvarito, Cobarro, David Velasco, Miguel, cinco inicial; tamén xogaron Nando, Javi Amorós, Raúl Canto, Óscar, Joaki, Vargas
Pescados Rubén Burela FS: Edu, LuchoLoito, Pitero, Javi Rodríguez, Giasson, cinco inicial; tamén xogaron Matamoros, David Pazos, Renato, Quintela, Álex Diz
Goles: 1-0, minuto 10, Cobarro; 2-0, minuto 10, Cobarro; 2-1, minuto 17, Renato; 3-1, minuto 19, Cobarro; 4-1, minuto 30, Joaki; 4-2, minuto 32, Quintela; 4-3, minuto 39, Matamoros; 4-4, minuto 40, Iago Míguez
Árbitros: Felipe Madorrán // Urdanoz Apezteguia. Por Burela amarilla para Quintela (minuto 22), Javi Rodríguez (minuto 36), Nito (minuto 40)
Incidencias: Partido correspondente á xornada 31 de Primeira División Masculina disputado no Fernando Argüelles.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
