Madrid, 20 de maio de 2021. O delegado territorial da Xunta en Lugo, Javier Arias, subliñou hoxe en Fitur os grandes reclamos turísticos con que conta A Mariña lucense, que, sen embargo, “conserva esa tranquilidade característica do turismo slow, tan codiciada nestes tempos de pandemia”. Neste sentido, Arias instou a gozar dun turismo “sostible e sen présas, que fuxe da masificación e concede ao viaxeiro tempo e espazo para coñecer o seu enorme patrimonio natural e cultural”.
O delegado territorial participou na presentación da proposta “Volve a encontrar o norte”, coa que a Mancomunidade de Municipios da Mariña Lucense promociona a oferta turística do xeodestino. Destacou a diversidade que ofrece a comarca, que tanto permite o turismo de praia como o de interior, experiencias na natureza, visitas culturais ou actividades deportivas, “sen esquecer unha extraordinaria gastronomía, baseada nos produtos da zona e con unha cada vez más ampla oferta de restauración de calidade”.
A Xunta de Galicia colabora coa Mancomunidade financiando as accións de difusión e dinamización do xeodestino, ás que achega 92.000 euros segundo o último convenio asinado. Tamén colabora cos concellos, tanto no desenvolvemento de iniciativas como na mellora das infraestruturas turísticas.
Plan de sustentabilidade
O Goberno galego impulsa un Plan de Sustentabilidade Turística para a Mariña lucense, que presentará por segundo ano á convocatoria de achegas da Secretaría de Estado de Turismo para este tipo de proxectos, agardando que esta vez resulte seleccionado.
O plan conta cun investimento da Xunta de 1,3 millóns de euros para os vindeiros tres anos, que representa o 45% do orzamento total. O proxecto estaba incluído na proposta remitida ao Ministerio de Turismo o ano pasado, e atopábase entre os catro con mellor puntuación, xunto con Ourense Termal e os dous aprobados polo Goberno central, que foron os de Santiago de Compostela e o da Ribeira Sacra.
O Plan de sustentabilidade turística ten en conta a importancia do potencial turístico da Mariña lucense e aposta pola súa transformación cun modelo máis competitivo, innovador e participativo. O obxectivo é reforzar a confianza do viaxeiro e fomentar a comarca como destino seguro tras o impacto da crise do coronavirus. O proxecto xustifícase na necesidade de poñer en valor os recursos das áreas rurais con potencial turístico e de atraer aos visitantes a un espazo que conta con todos os atractivos para a recuperación do sector logo da pandemia.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.