Viveiro, 11 de maio de 2021. A alcaldesa de Viveiro, María Loureiro, mantivo esta mañá unha reunión, solicitada pola rexedora, co director do Instituto Galego de Vivenda e Solo (IGVS), Heriberto García Porto. Na xuntanza, onde tamén estiveron presentes técnicos municipais e do IGVS, tratáronse os Plans de Rehabilitación que puidesen ser de interese para Viveiro.
Esta reunión súmase a outras iniciativas do goberno local para conservar o patrimonio, como a recente petición aos propietarios do casco histórico de realizar os traballos de mantemento correspondentes.
Dado que Viveiro conta con áreas urbanas que actualmente poderían ser meritorias de achegas económicas por parte doutras administracións implicadas, a reunión centrouse en determinar que tipo de condicionantes e requisitos farían falta para tramitar unha Área Rexurbe para o conxunto histórico de Viveiro. Ademais, tamén se abordou a posibilidade de declarar Área de Rehabilitación á parte máis antiga e representativa de Celeiro.
Tendo en conta a información facilitada polos técnicos do IGVS, o Concello de Viveiro valorará a posibilidade de tramitar a declaración de Área Rexurbe para o Conxunto Histórico de Viveiro. En canto á Área de Rehabilitación para Celeiro, o goberno local iniciará o estudo para solicitar a súa declaración, o que posibilitaría a tramitación de axudas para a intervención en edificios de titularidade privada e realizar actuacións de urbanización e reurbanización.
A conservación do patrimonio sempre foi un dos intereses prioritarios do Concello de Viveiro, xa que conta cunha Oficina de Rehabilitación do Casco Histórico en Viveiro dende o ano 1998, sendo unha das pioneiras na Comunidade Autónoma de Galicia.
Nesta liña, en decembro de 2020, o Concello de Viveiro emitiu un bando para requerir a todos os propietarios de solares, edificacións e construcións no ámbito do Casco Histórico que cumprisen coas obrigacións de salubridade, sanidade e ornato publico, procedendo á súa limpeza, reparación ou mantemento.
Con esa medida, o Concello de Viveiro pretendía recordar expresamente a obriga de realizar as seguintes actuacións: limpar as cubertas e canalóns, limpar de vexetación, eliminar elementos que fosen susceptibles de caída á vía pública así como pechar os ocos de fachada sen carpintería por medio de taboleiros de madeira pintadas en cor negro mate.
Ademais, esixiuse a eliminación de rótulos comerciais que non estivesen en uso, a substitución de canalóns e baixantes en mal estado, o pintado de fachadas de baixos comerciais e a limpeza de plantas baixas de inmobles. O Concello de Viveiro concedeu un prazo dun mes para a execución destas actuacións.
Porén, non se levaron a cabo de maneira voluntaria estas reparacións por parte dalgúns dos titulares das edificacións, incumprindo polo tanto as obrigas referidas no bando. Polo tanto, o Concello de Viveiro comezará a tramitación das respectivas ordes de execución, que derivarán en sanción no caso da non execución das obras ordenadas no expediente.
Atendendo a que unha das rúas en peor estado relativo á seguridade e salubridade é a rúa Rosalía de Castro, o Concello de Viveiro comezará a ditar as ordes de execución nesa rúa, continuando posteriormente coa súa tramitación en todas as rúas do casco histórico.
Finalmente, dende o Concello de Viveiro sinálase que existen numerosas edificacións, dentro do casco antigo, sen titular coñecido ou nos que as notificacións dos expedientes resultan infructuosas.
Para o goberno local, estes son os inmobles máis preocupantes, debido a que algúns deles entrañan perigos para o vial público. Dada esta inseguridade, o Concello debería facer as obras de maneira subsidiaria, como xa se fixo nalgúns inmobles; unha actuación que require dunha gran partida orzamentaria e da tramitación de expedientes con procedementos complexos. En todo caso, o Concello de Viveiro realizará todas as accións oportunas e mediante todos os medios, incluída a vía xudicial, para solventar estes problemas.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
