Ribadeo, a 9 de xuño de 2021. O voceiro do Grupo Municipal Popular de Ribadeo, Daniel Vega, destaca que “a Xunta achegou a Ribadeo 144.000 euros dentro do primeiro plan de rescate e ata 368.700 co segundo, o que supón máis de medio millón de euros en axudas directas ao sector hostaleiro”. Ademais, “aportou 184.830 euros en axudas aos establecementos de hostalería para a compra de material -envases para entregar consumicións para levar que no momento no que estiveron pechados lles permitiu manter certa actividade- ou para a realización de obras -a adecuación de terraza no exterior dos establecementos-. Son un total de 697.530 euros os que leva aportado a Xunta aos bares e restaurantes de Ribadeo contribuíndo así a reactivar a economía da vila”, segundo considera o portavoz.
Vega avanza que “a Xunta está a preparar xa o terceiro Plan de rescate” e, nesa liña, “continuaremos do lado do noso tecido económico local igual que ata o de agora que estivemos informando e asesorando aos negocios ribadenses para que puideran solicitar e optar ás axudas da Xunta para o rescate dos sectores afectados pola crise da covid-19”.
De feito, o popular avoga polo “traballo conxunto” ao considerar que se trata dun “deber das administracións e dos grupos políticos da corporación ante estes momentos complexos e difíciles” debido ás consecuencias negativas da pandemia a nivel económico e social.
O BNG dixo catro veces que non ás axudas directas por parte do Concello
Vega sinala que “dende o Grupo Municipal Popular estamos traballando pegados á realidade”. Pola contra, “botamos en falta axudas directas aos sectores máis afectados pola crise derivada da pandemia por parte do goberno local do BNG”. De feito, lembra que “votaron que non en catro ocasións á nosa proposta para poñer en marcha un plan de reactivación económica local que incluíse axudas directas coma as establecidas por outros Concellos”. Así mesmo, critica que “tampouco fixo nada do que quedou de facer porque anunciaron a suspensión temporal dos recibos da auga e do lixo, pero seguen chegando”. Nese sentido, o voceiro popular pide que “tan sequera, eliminen temporalmente os impostos”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
