Burela, 17 de xuño de 2021. O Concello de Burela presentou hoxe novas actividades gratuítas das que poderán gozar a veciñanza e os visitantes durante o verán. Os martes de xullo e agosto, na praza do Concello, haberá cardio-fit ás oito e media da tarde. Ademais os días 17 de xullo, 21 de agosto e 4 de setembro terán lugar rutas de sendeirismo pola vila.
O concelleiro de Turismo, Ramiro Fernández, anunciou que “desde a Delegación de Turismo seguimos completando as actividades que imos ter durante o verán. Como xa dixen en anteriores ocasións, entendemos que este verán vai ser turisticamente bo, que a xente quere saír, quere visitar A Mariña e nosoutros en Burela imos propoñerlles actividades para que poidan realizar aquí durante a época estival.
Nos meses de xullo e agosto, os martes na praza do Concello ás oito e media da tarde teremos unha actividade de cardio-fit. Vai ser gratuíta para quen queira practicala e imos contar cunha monitora profesional. Ademais decidimos iniciar rutas de sendeirismo polo pobo. Van ser o 17 de xullo, o 21 de agosto e o 4 de setembro. É unha actividade que tamén vai ser gratuíta e a xente vai poder apuntarse no teléfono da Casa da Xuventude, que é o 982 58 11 41”.
O edil burelés sinalou que “son actividades que veñen complementar a grande oferta turística que estamos despregando este ano no Concello de Burela, coas visitas á igrexa da Vila do Medio, ao barco museo, á nave de redeiras, as Xeorrutas e outras como pode ser a carreira popular que imos realizar durante todo o verán”.
Xuntanza cos hostaleiros
Fernández Rey contou que “hoxe tivemos unha reunión con hostaleiros. Estamos traballando para facer algún tipo de actuacións musicais, de monologuistas ou de magos, algunha actividade de entretemento nos locais de hostalería de Burela. A reunión saíu bastante ben. Estamos mirando de facer algunha actividade que non poida causar ningún tipo de molestia á veciñanza. Os hostaleiros entenden perfectamente que estas actividades non poden xerar ningún tipo de controversia e menos estando o Concello de por medio. Quedamos emprazados para unha nova reunión para ir especificando un pouco máis as horas nas que se poderían facer esas actividades e a maneira de facelas. Penso que é un apoio importantísimo o que está facendo o Concello de Burela brindando esta posibilidade aos hostaleiros. Esperemos que as aproveitemos, que saibamos traballalas ben e que non causen, sobre todo, molestias ao resto da veciñanza, porque evidentemente temos que compaxinar o tempo de ocio co tempo de descanso”.
O concelleiro de Turismo cre que “o Concello de Burela está a realizar unha aposta moi potente para facer actividades durante todo o verán e que Burela sexa un sitio atractivo para vir pasar esa época de descanso. Penso que o balance ten que ser moi positivo deste verán e estamos moi esperanzados en que o número de visitas a Burela sexa moi importante neste 2021”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
