Foz, 7 de xuño de 2021. Este martes inaugurouse en Foz a versión itinerante de “Amar a mar: mariñas, marosas e maruxainas”, un proxecto expositivo que naceu do 50 aniversario do Museo Provincial do Mar e que aborda, desde distintos enfoques temáticos, a importancia do mar na configuración cultural e material da comarca da Mariña.
A segunda pranta do CENIMA (Centro de Interpretación do Mar) acollerá ata o vindeiro 13 de xullo as tres mostras que forman o proxecto:
“Mariñas, marosas e maruxainas, que inclúe 16 retratos de traballadoras do mar e da terra, unha por cada concello da comarca. As fotografías, asinadas por Germán Limeres, Xosé Reigosa, Ignacio Castro “Nachok” e Lucía Sánchez, amosan o paso do tempo polas facianas e as mans de pescantinas, redeiras, mariscadores, percebeiras, empregadas de conserveiras, taberneiras ou labregas.
“Derivas”, unha mostra fotográfica de Ignacio Castro “Nachok” que se enfía como un retrato sensorial da Mariña, dende os pensamentos e sentimentos que o mar provoca na vida das persoas que viven na comarca.
“Medio Mariño”, unha representación da bíodiversidade a través dunha colección de malacoloxía e algas.
As tres mostras están conectadas e contextualizadas por textos informativos asinados por Herminia Pernas Oroza, Chema Leal Bóveda e Charo Fernández González, que repasan, en clave histórica, o papel das mulleres nos oficios do mar e a súa invisibilización nas fontes documentais.
Ademais, incorporáronse ao proxecto pezas relacionadas cos traballos do mar, cedidas pola Sociedade Cultural A Rula de Foz. Entre elas, unha nasa, unha prensa da conserva, unha romana empregada polas pescantinas para a venda do peixe, un par de cesta de palangre, unha bacía , agullas de enmalle e unha etiqueta de conservas Dalo.
Homenaxe ás mulleres da comarca
A inauguración serviu tamén de homenaxe as mulleres retratadas, que foron agasalladas cunha réplica da súa fotografía. A vicepresidenta da Deputación, que estivo acompañada no acto polo alcalde de Foz, Francisco Cajoto, e polo tenente de alcalde e concelleiro de Patrimonio, Medio Ambiente, Medio Rural e Mar, Xavier Fanego, agradeceu “a súa presenza no acto e a xenerosidade coa colaboraron neste proxecto da Rede Museística, que ten como principal obxectivo recoñecer e visibilizar o traballo das mulleres”.
“Non sei se se imaxinaron algunha vez embaixadoras dos seus concellos, da súa comarca, pero nesta exposición cumpren este papel. Representan o esforzo de todas as mulleres da súa xeración e das precedentes para sacar adiante as súas familias co traballo no mar e na terra, na casa e fóra dela”
“Queremos que esta exposición e este encontro sirvan para recoñecer o traballo de todas. Tamén para saírmos daquí máis orgullosas do propio, máis convencidas das posibilidades que ofrece o mar como referencia patrimonial e cultural e tamén como sector produtivo”, concluíu a vicepresidenta antes de entregar as réplicas fotográficas a Inés Fraga Naray “Sita” de Foz, Dora Tallón Maseda de Alfoz, Tarsila Veiga Vega de Barreiros, María Jesús Alonso López de Burela, Bárbara Gil García de Ourol, María del Carmen Río de Ribadeo, Josefa Meitín de Xove e Hortensia García Freije de Riotorto, que estiveron presentes no acto.
A mostra complétana retratos de Aurora García Fraga de Cervo, Alicia Reigosa de Lourenzá, Alicia Tella (finada) de Mondoñedo, Juana González Díaz “Juanita” da Pontenova, María del Carmen del Río Martínez, Carmen Murias Bermúdez de Trabada, Piedad Seijas Cao do Valadouro, Leonor Casas Lamela do Vicedo e Ana López Galdo de Viveiro, que tamén recibirán cadansúa réplica.
A xerente da Rede Museística, Encarna Lago, subliñou na presentación a colaboración do tecido asociativo e da comunidade educativa da comarca para contactar con estas persoas e facernos partícipes das súas traxectorias vitais.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
