Cervo, 14 de xuño, 2021. O estudante cervense Juan Maya explicará unha parte do seu traballo de fin de grao titulado ‘A fábrica entre nós’ o sábado ás 18:30 h e o vindeiro día 23 ás seis da tarde haberá outro acto no Museo Provincial de Lugo.
«A fábrica entre nós está composto por dúas partes homónimas: un documental distribuído mediante podcasting e unha reportaxe fotográfica que consta de vinte e sete fotografías que foron tomadas no período dun ano en San Cibrao, Viveiro e Xove», así describe o alumno de Comunicación Audiovisual na Universidade da Coruña Juan Maya o seu proxecto no que examina o pasado e reflexiona sobre a problemática actual das plantas da multinacional estadounidense en San Cibrao.
O sábado 19 de xuño de 2021 expoñerá no Museo Provincial do Mar algunhas das fotografías e falará sobre a xénese e o proceso creativo de A fábrica entre nós. O acceso será de balde até completar o cabemento dispoñible, limitado por mor de garantir a seguridade dos asistentes. Dous días antes, o dezasete, realizará unha reunión virtual ás 18:30 h mediante o servizo de videoconferencias Zoom e o 23 ás seis da tarde haberá outro encontro no Museo Provincial de Lugo, este último de xeito presencial.
En branco e negro e cunha atmosfera nostálxica e costumista, Maya explica que «nas fotografías está sempre presente dalgún modo o complexo, é o fío que as une, aínda que non en todas aparece; en moitas pode verse alomenos unha das chemineas da factoría de alumina, é unha presenza ubicua que vixía impasible desde o lonxe aos suxeitos».
A serie «ven a complementar unha parte da narración», motivo polo que foron retratadas algunhas das persoas entrevistadas no primero episodio do pódcast (cuxa estrea está prevista para finais do presente mes), como por exemplo o presidente do comité de empresa de Alcoa San Ciprián José Antonio Zan, o hostaleiro e membro despedido do comité de empresa de Inespal Ramón Míguelez Tola e o carpinteiro de ribeira Francisco Fra Rico.
Pódese consultar máis información sobre ‘A fábrica entre nós’ na páxina www.lafabricaentrenosotros.com e tamén na conta de Twitter «@fabrica_nos».
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
