Ribadeo, 21 de xullo de 2021. Acisa valora de xeito moi positivo o traballo realizado polo Concello de Ribadeo para que o Sergas faga este venres, día 23, un cribado entre a xuventude e anima a tod@s @s que sexan citados a participar. A patronal ribadense amósase moi preocupada polo aumento dos contaxios de covid e consideran que este cribado pode axudar a controlalo.
Francisco Iriarte, presidente de Acisa Ribadeo, sinalou que “quero agradecer que se realice este cribado por parte do Sergas e quero especialmente agradecerlle ao Concello a súa insistencia para poder facelo. A situación que estamos a vivir de aumento de casos é complexa e Acisa non pode quedar de lado nin parada, xa que os que primeiro imos pagar as consecuencias imos ser os empresarios. Por iso Acisa no dia de onte púxose á enteira disposición do Concello para facer todo o que estivera na nosa man e iso tradúcese en facer chegar a mensaxe de que se debe acudir ao cribado a todos as mozas e mozos que sexan citados para este venres pola tarde no pavillón novo mediante sms e con idades comprendidas entre os 18 e 29 anos. A economía da vila depende de que podamos rematar o verán sen restricións ou coas mínimas posibles”.
O responsable da patronal ribadense insistiu en que “é moi importante que sexamos conscientes do que nos estamos a xogar. A tempada de verán acaba de empezar e dar pasos atrás agora é un risco para a nosa economía, para o noso comercio e a nosa hostalaría. Sexamos todos escrupulosamente cumpridores coas normas tanto xoves como maiores, veciños e visitantes”.
Pola súa banda o xerente de Acisa, Jesús Pérez, dixo: “eu teño 27 anos, podo ser citado para o cribado e teño moi claro que vou ser o primeiro en acudir. Os xoves temos que ser conscientes de que somos persoas de risco, primeiro porque podemos ter a enfermidade, ser asintomaticos e levala á casa e infectar aos nosos familiares, pais e avós, como se está vendo aínda que teñan a vacina posta. En segundo lugar, e non menos importante, podemos enfermar nós mesmos que estamos sen vacinar, podendo pasalo mal, chegando ter que estar illados nunha habitación dun hospital ou o que é peor nunha UCI, onde estarás inconsciente e na mais absoluta soidade. Por iso é importante que nos coidemos e acudamos ao cribado. É mellor estar uns poucos días na túa casa se es positivo, que correr o risco de acabar no hospital ou nun sitio do que non hai volta. E terceiro, se todo o anterior non vos convence, a xente nova que sexa citada debe saber que si non acude e resulta estar infectado, estará contribuíndo a que aumenten as restricións e polo tanto, poidan votalo do traballo, votar aos seus pais, e perder toda canta opción de ocio temos ata o de agora, como ir aos bares, as terrazas, saír de noite ou mesmo viaxar”.
Pérez Prada engadiu: “dende Acisa pedímoslles aos mozos e ás mozas de Ribadeo que si vos chega o sms do Sergas acudades ao cribado. Si es pai ou nai dun rapaz ao que lle chega a mensaxe, pídelle que vaia, que si tedes traballadores nesa idade pedídelles que vaian e deixádelles ir aínda que sexa en horario laboral e que entre todos fagamos, por dicilo así, pedagoxía social estes días. Si coñeces a xente que é chamada para facer o cribado anímao a ir, pídelle que vaia e se non quere, recórdalle os riscos que iso ocasiona para el ou ela e para o resto”.
Desde Acisa subliñaron: “debemos frear a cadea de contaxios, que nos pode levar a una situación de restricións que non nos podemos permitir”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
